Daha bir DÇ matçı ləğv edilə bilər
DÇ-2026-nın qrup mərhələsinin üçüncü turu çərçivəsində Tunis və Niderland milli komandaları arasında keçiriləcək matçın başlanğıcı əlverişsiz hava şəraiti səbəbindən təxirə salına bilər.
"Ölkə.az" xəbər verir ki, bu barədə Niderlandın "VoetbalPrimeur" nəşri məlumat yayıb.
Oyun iyunun 26-na keçən gecə, Bakı vaxtı ilə saat 03:00-da Kanzas-Sitidə (Missuri ştatı) yerləşən "Errouhed" stadionunda keçirilməlidir. Sinoptiklərin proqnozuna görə, həmin vaxt arena ətrafında tufan gözlənilir.
Turnirdə qüvvədə olan qaydalara əsasən, əgər tufan zamanı stadionun 13 km radiusunda şimşək çaxması qeydə alınarsa, oyun 30 dəqiqə müddətinə dayandırılacaq və azarkeşlər tribunadan təhlükəsiz yerlərə təxliyə ediləcəklər. Məhz bu səbəbdən Fransa və İraq yığmaları arasındakı görüş dünya çempionatları tarixində ən uzun sürən oyun olub: hissələr arasındakı fasilə standart 15 dəqiqə əvəzinə iki saat çəkib. "Üçrənglilər" sonda 3:0 hesabı ilə qələbə qazanıblar.
Eyni səbəbdən fransızların norveçlilərlə oyununda da problemlər yarana bilər: onların qarşılaşması iyunun 26-sı axşam saatlarında Foksboroda (Massaçusets ştatı) baş tutacaq.
