Fond: Gənclərin 5 minə yaxın layihəsi maliyyələşdirilib

Fəaliyyəti dövründə Gənclər Fondu tərəfindən gənclər və gənclər təşkilatlarının 5 minə yaxın yerli və beynəlxalq layihəsi maliyyələşdirilib. 

"Ölkə.Az"ın məlumatına görə, bunu Fondun icraçı direktoru Fərid Cəfərov deyib. O bildirib ki, ümumilikdə bu layihələrdən ölkə üzrə 500 min nəfərdən çox gənc yararlanıb. 

"Həmçinin, müsabiqə əsasında ölkə üzrə ali və orta ixtisas təhsil müəssisələrində təhsil alan 1190 tələbənin təhsil xərci qarşılanıb, 47 nəfər gəncin isə xarici ölkələrin nüfuzlu ali təhsil müəssisələrində magistr pilləsi üzrə təhsili dəstəklənib. Bununla yanaşı, 332 nəfər gənc beynəlxalq tədbirlərdə iştirakı təmin edilib və 48 gənc xarici ölkələrdə yerləşǝn beynəlxalq təşkilatlarda Fond vasitəsilə təcrübə keçib", -deyə F. Cəfərov qeyd edib.

Könül
Ölkə.az