16 yaşında AZTV-yə solist götürüldü — FOTO

16 yaşında AZTV-yə solist götürüldü
12:52
13.06.2017
1580
Mədəniyyət
A
Altıncı Muğam Televiziya Müsabiqəsinin qalibi-baş mükafatçısı Almaxanım Əhmədli AZTV-nin solisti olacaq.

"Ölkə.Az"-ın məlumatına görə, bu barədə müsabiqə bitəndən sonra AZTV-nin sədri Arif Alışanov bildirib. Belə ki, gənc xanəndə avqust ayında 16 yaşı tamam olduqdan sonra telekanalda solist kimi fəaliyyətə başlayacaq.

Qeyd edək ki, sədrin göstərişinə əsasən Almaxanım Əhmədlinin müsabiqə ərzində oxuduğu dəstgahlar teleradionun "qızıl fond"unda saxlanılacaq.

Xatırladaq ki,  S.Rüstəmov adına Bakı şəhəri 13 saylı musiqi məktəbini qırmızı diplomla bitirən Almaxanım Əhmədlinin tanınmış şair, professor Vüqar Əhmədin qızıdır. Müsabiqə onun müəllimi əməkdar artist Təyyar Bayramov olub.

İntiqam VALEHOĞLU   
Ölkə.Az

ŞƏRH YAZ
0

Ulduzlar Bakıda eyni səhnədə — FOTOLAR

Ulduzlar Bakıda eyni səhnədə
23:03
21.09.2019
334
Mədəniyyət
A
Sentyabrın 21-də Azərbaycan Dövlət Akademik Opera və Balet Teatrında XI Üzeyir Hacıbəyli Beynəlxalq Musiqi Festivalı çərçivəsində Cakomo Puççininin “Bohema” operası nümayiş olunub.

“Ölkə.AZ” azərtac-a istinadən xəbər verir ki, səhnə əsərini tanınmış italiyalı dirijor Lorenso Tassyeri idarə edib.

Opera tamaşasında Mimi partiyası teatrın aparıcı solisti - Əməkdar artist, “Humay” milli mükafatının laureatı Afaq Abbasova tərəfindən ifa olunub.

Bundan başqa, operada əsas partiyalardan olan Rudolf və Marselini Özbəkistanın Xalq artisti, vokalçıların beynəlxalq müsabiqələrinin laureatı Ramiz Usmanov və Belarusun Əməkdar artisti, vokalçıların beynəlxalq müsabiqələrinin laureatı Vladimir Qromov ifa edib.

Səhnə əsərində, həmçinin Xalq artistləri Əli Əsgərov (Alsindor) Əkrəm Poladov (Kollen),Əməkdar artistlər İnarə Babayeva (Müzetta), Tural Ağasıyev (Şonar) və Əliəhməd İbrahimov (Parpinol) çıxış ediblər.

Opera ulduzlarının məharətli çıxışı səhnə əsərini daha baxımlı edib, opera maraqla qarşılanıb.

Ölkə.Az

ŞƏRH YAZ
0

Elmira Rəhimova illər sonra — FOTO

Elmira Rəhimova illər sonra
01:20
20.09.2019
2684
Mədəniyyət
A
Xalq artisti, müğənni Elmira Rəhimovanın yeni fotosu yayılıb.

“Ölkə.Az” xəbər verir ki, müğənni Rüfət Axundov, böyük sənətkarın fotosunu “İnstagram” səhifəsində paylaşıb.

Elmira Rəhimovanı çoxdan görməyən pərəstişkarları, onun ünvanına xoş sözlər yazıblar.

Sözügedən fotonu təqdim edirik:

Vüsalə Balayeva

Ölkə.Az

 

ŞƏRH YAZ
0
BAĞLA