Azərbaycanın keçmiş Prezidentinin mühafizə xidmətinin rəisi VƏFAT ETDİ
Azərbaycanın mərhum Prezidenti Əbülfəz Elçibəyin şəxsi mühafizə xidmətinin rəisi, ehtiyatda olan polkovnik Oqtay Məmmədov vəfat edib.
Bu barədə Ölkə.az-a onun yaxınları məlumat verib.
O.Məmmədov 78 yaşında dünyasını dəyişib.
Yaxınları saytımıza bildirib ki, bir müddət əvvəl onun səhhətində problemlər yaranıb və Türkiyədə əməliyyat olunub. Sonrakı dövrdə müalicəsini Bakıda davam etdirib.
O.Məmmədovun ölümünə isə təzyiqinin qəfildən düşməsi səbəb olub.
Mərhum Bakıda – Qurd qapısı qəbiristanlığında dəfn edilib.
Xatırladaq ki, Oqtay Məmmədov 1948-ci ildə Qərbi Azərbaycanda anadan olub. Bakı Dövlət Universitetini bitirib. Təhsilini başa vurandan sonra daxili işlər orqanlarında işləyib.
O.Məmmədov 1992-1993-cü illərdə Ə.Elçibəyin şəxsi mühafizə xidmətinin rəisi olub.
Sonra bir müddət Türkiyədə yaşayıb.
