ABŞ-da 17 yaşlı gənc məsciddən çıxdıqdan sonra qətlə yetirilib

 "Ölkə.Az" xəbər verir ki, 17 yaşlı gənc məsciddən çıxdıqdan sonra qətlə yetirilib. 17 yaşlı Nabra Hassanen bir qrup şəxsin qurbanı olub.

ABŞ mətbuatının xəbərinə əsasən, sahurdan sonra müsəlmanların toplaşdığı mərkəzlərdən biri "ADAMS Centre"dəki məsciddən çıxan bir qrup gənc ilə ərazidən keçən bir nəfər mübahisə edib.

İddiaya əsasən əlindəki beysbol ağacı ilə avtomobilindən enən sürücü Hassasenə hücum edib. Hücumdan qurtulmaq üçün məscidə geri qayıdan gənclər polisə xəbər veriblər. Nabranın meyiti isə günortadan sonra ərazidən 3 km aralıda tapılıb. Meyitlə birlikdə beysbol ağacı da tapılıb.

ABŞ polisi 22 yaşlı Darvin Martinez Torresin şübhəli qismində saxlanıldığını bildirilib. 17 yaşlı Nabranın ölüm səbəbi isə ekspertizadan sonra dəqiqləşdiriləcək.

Hikmət
Ölkə.Az