ABŞ-da 3 yaşlı uşağı zorlayan cani edam edildi
"Ölkə.Az" xəbər verir ki, 43 yaşlı cani Fillips edamdan əvvəl üzr istəyərək göz yaşı töküb və peşman olduğunu bildirib.
Hadisə 1993-cü ildə baş vermişdi. Fillips sevgilisinin 3 yaşlı qızı Şeyla Mari Evansı zorlayaraq öldürmüşdü. Ronald ABŞ-ın Ohayo ştatında edam edildi.
Məhkum uşağın ailəsindən və yaxınlarından üzr istəyib göz yaşı tökdü. Sonra isə vücuduna zəhər yeridilən Ronald 10 dəqiqə sonra canını tapşırdı.
Edamı izləmək üçün Şeylanın xalası və ögey bacısı da gəlmişdi. Ronald "Etdiyim pisliklərlə yaşamaq məcburiyyətində qaldığım üçün üzr istəyirəm. Aradan keçən uzun illər ərzində məni bağışlamaq üçün qəlbinizdə güc tapmağınız üçün dua etdim. Şeyla ona etdiklərimə layiq deyildi. O, indi Tanrının yanındadır və istirab çəkmir".
Şeylanın xalası isə "Allah səni bağışlasın, mən səni bağışlamayacağam"-deyə cavab verib.
Hikmət Həsənov
Ölkə.Az
