"ABŞ-la baş-başa gələcək heç bir qüvvə yoxdur" — Hərbi ekspert

14:55
14.04.2017
38
Siyasət
A
ABŞ hərbi texnikası Suriya ərazisinə daxil olub.

ABŞ hərbçiləri Türkiyə ərazisindən keçərək Suriyada inşa edilən hərbi bazaya yerləşiblər. Suriya hökumətinin etirazlarına baxmayaraq, ABŞ Suriyada hərbi baza inşa edib və hərbçilərini oraya yerləşdirib.

Suriya hökumətindən əlavə Rusiya və İran da ABŞ-ın bu addımına narazı olduqlarını bildirirlər.

İran və Rusiyanın ABŞ-ın bu addımına hansı cavab verəcəyi maraqla gözlənilir.

ABŞ-ın Suriyada hərbi baza tikməsi, oraya hərbçi yerləşdirməsi və bundan sonra baş verəcəklər barədə hərbi ekspert Üzeyir Cəfərov Ölkə.Az-a danışıb:

"Suriya ilə bağlı məsələlər get-gedə bir az da qəlizləşir. Çünki Bəşər Əsədin hakimiyyətdən getməsi məsələsi konkret ortaya qoyulub. Rusiya da Bəşər Əsədin arxasından geri çəkilib. Suriya yaxın zamanlarda deməzdim ki, parçalanacaq, ancaq Suriya üzərində həm ABŞ-ın, həm Rusiyanın, həm də Türkiyənin iddiaları ortaya çıxacaq. Kimisi orada hərbi baza yaratmağa çalışacaq, kimisi orada müəyyən ərzilərə iddia edəcək və oranın yeraltı, yerüstü sərvətlərini ələ keçirmək istəyəcək.

Heç kim Suriyada ABŞ-ın hərbi baza yaratmasına mane ola bilməyəcək. ABŞ çoxdan belə bir fürsət gözləyirdi, indi o fürsət reallaşır. Trampın sonuncu addımlarından sonra aydın oldu ki, ABŞ-la baş-başa gələcək heç bir qüvvə yoxdur. Baxmayaraq ki, Rusiya etiraz edir, müəyyən məsələlərdə narazılığını bildirir. Bu heç nəyi dəyişməyəcək. Dəyişən o ola bilər ki, Suriya rəhbərliyinə gətirilən yeni şəxs həm ABŞ-ın, həm də Rusiyanın, o cümlədən region dövlətlərinin maraqlarını nəzərə alsın.

ABŞ Suriyada hərbi bazasını yaradacaq. Əgər keçmiş SSRİ dövründə Rusiya Suriyada öz hərbi bazasını yaratmışdırsa, ABŞ da bu fikirindən daşınmayacaq. ABŞ-ın bu bazası Rusiyanın bazasından daha güclü olacaq. Ola bilsin ki, ABŞ Suriyadakı bazasını daha da gücləndirib, rusların Suriyadakı bazalarından sıxışdırıb çıxarsın. İran da ABŞ-ın bu addımına narazılığını bildirəcək, İrandan başqa digər ölkələr də etiraz edəcəklər, ancaq proses geriyə dönməz bir xarakter alıb və davam edəcək".

Qeyd edək ki, Pentaqonun yeni bazası Hələbin şimalında, kürdlərin nəzarəti altında olan Əyn-əl-Ərəb şəhərində yerləşir.

Səxavət Məmməd
Ölkə.Az

ŞƏRH YAZ
0

ReAl-ın Təsis Qurultayı TƏXİRƏ SALINDI

ReAl-ın Təsis Qurultayı TƏXİRƏ SALINDI
18:47
Bu gün
828
Siyasət
A
ReAl Təsis Qurultayı ilə bağlı qərar verib.

ReAL hərəkatının icra katibi Natiq Cəfərlinin "Ölkə.Az"-a verdiyi məlumata görə, Respublikaçı Alternativ Partiyasının Təşkilat Komitəsi (TK) Partiyanın I Təsis Qurultayının bu ilin oktyabr ayının 29-da keçirilməsi ilə bağlı qərar verib. Bununla bağlı Bakı şəhərində yerləşən 4 və 5 ulduzlu otel və özəl obyektlərə partiya qurultayının keçirilməsi üçün yerin ayrılması (bir günlük kirayəsi) xahişi ilə müraciət edib. Ancaq müraciət olunan özəl yerlər siyasi partiya tədbirlərinə yer verməkdən imtina ediblər. Bunu nəzərə alaraq Partiyanın Təşəbbüs Qrupu adından Bakı Şəhər Mədəniyyət və Turizm Baş İdarəsinə və Bakı Şəhər İcra Hakimiyyətinə digər siyasi partiyaların bu günə qədər qurultay və digər tədbirlərini keçirdiyi obyektlərlə bağlı müraciət ünvanlayıb. Hər iki qurumun cavab məktublarında qurultayın keçirilməsi üçün onlarda uyğun yerin olmadığını bildirilib. “Qanun” Nəşriyyat Evi və “Hürriyyət” qəzeti də onlara məxsus binalarda Qurultayın keçirilməsinə razılıq verməyib.

N.Cəfərlinin sözlərinə görə, bunları nəzərə alaraq Respublikaçı Alternativ Partiyasının Təşəbbüs Qrupu Müsavat Partiyasına istifadələrində olan binanın qurultayımızın keçirilməsi üçün bir günlük ayrılması xahişi ilə müraciət edib və müsbət cavab alıb.

Müsavat Partiyasına istifadələrində olan binasında ReAL-ın qurultay keçirmək məsələsi gündəmə gəldikdən sonrakı proseslərlə bağlı isə Natiq Cəfərli bunları deyib:

"Qurultayın 17 dekabr 2017-ci il tarixində Müsavat Partiyasının qərargahında keçirilməsi ictimaiyyətləşdirildikdən sonra Müsavat Partiyasının rəhbərliyinə Qurultaya yer verməməklə bağlı ciddi təzyiqlər göstərilməyə başladı. Belə ki, Dövlət Əmlak Komitəsi rəsmi məktubla Müsavat Partiyasına xəbərdarlıq edib ki, əgər Qurultay üçün ReAl-a yer verilsə istifadələrində olan binanın boşaldılması üçün addımlar atılacaq. Halbuki bugünə qədər həmin binada müxtəlif siyasi partiyaların və təşkilatların tədbirləri heç bir maneə ilə üzləşmədən keçirilib. Bundan əlavə, Müsavat partiyasının başqanı Baş Mütəşəkkil Cinayətkarlıqla Mübarizə İdarəsinə (BMCMİ) çağırılaraq qərargahda keçirilməsi planlaşdırılan ReAl-ın Qurultayı ilə bağlı xəbərdarlıq alıb.

Bütün bu təzyiqlərdən sonra Müsavat Partiyasının rəhbərliyi Respublikaçı Alternativ TK-a müraciət edərək hakimiyyətin təzyiqləri, xüsusən Dövlət Əmlak Komitəsinin hüquqi iddiaları ilə bağlı məsələlərə aydınlıq gələnə qədər Təsis Qurultayının Müsavat partiyasının binasında keçirilməsini müvəqqəti olaraq təxirə salmağı təklif edib.

ReAl TK Qurultayın keçirilməsi üçün yer ayırması ilə bağlı Müsavat partiyasına edilən bütün təzyiqləri kəskin şəkildə pisləyir. ReAl TK Müsavat Partiyasının müraciətini və partiyanın istifadəsində olan binanın itirilməsi təhlükəsinin ciddi olduğunu nəzərə alaraq, Təsis Qurultayını müvəqqəti olaraq təxirə salmağı qərara alır".

ReAl Partiya Təsis Qurultayının baş tutmasının hər vəchlə qarşısını alanmasına gəldikdə isə ReAL hərəkatının icra katibi qeyd edib ki, ReAl sədri İlqar Məmmədovun artan nüfuzu və ReAl-ın ölkənin siyasi səhnəsində yeni aparıcı qüvvəyə çevrilməsindən çəkinildiyi bir daha sübut olundu:

"ReAl olaraq bəyan edirik ki, ölkədə olan bütün qanuni vasitələrdən istifadə edərək Təsis Qurultayımızın keçirilməsinə nail olmaq niyyətindəyik".

Səxavət Məmməd
Ölkə.Az

 

ŞƏRH YAZ
0

İlham Əliyev Bəhreyn kralını təbrik etdi

İlham Əliyev Bəhreyn kralını təbrik etdi
18:16
Bu gün
416
Siyasət
A
Dövlət başçısı Bəhreynin kralı Həməd bin İsa Al Xəlifəyə təbrik məktubu ünvanlayıb.

"Ölkə.Az" xəbər verir ki, təbrikdə deyilir: 

"Əlahəzrət, Bəhreyn Krallığının milli bayramı münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimi yetirirəm.

İnanıram ki, Azərbaycan ilə Bəhreyn arasındakı dostluq və əməkdaşlıq münasibətləri xalqlarımızın mənafelərinə uyğun olaraq bundan sonra da inkişaf edəcək və genişlənəcəkdir.

Bu əlamətdar gündə Sizə möhkəm cansağlığı və xoşbəxtlik, dost Bəhreyn xalqına daim əmin-amanlıq və firavanlıq diləyirəm."

ŞƏRH YAZ
0
BAĞLA