Afinada ilk məscid istifadəyə verildi

“Ölkə.Az” TRT-yə istinadən xəbər verir ki, inşası tamamlanan, ancaq bürokratik əngəllərlə əlaqədar ibadətə açılmayan Afina məscidini ziyarət edən K.Qavroğlu müsəlman camaatı bir araya gəlib.

Nazir çıxışında məscidin tamamilə Yunanıstan dövləti tərəfindən tikildiyini söyləyərək deyib:

“Demokratiya son sözü söylədi və bu məscid tikildi. Afina yerli müsəlman əhali və immiqrantlara yeni bir ibadətxana bəxş etdi.

İnanc haqqı təhsil və sağlıq kimi insanın təməl bir haqqıdır. Şəhər müsəlmanları təxminən 12 ildir ki, bu məscidin açılışını gözləyirdi. Məsciddə ilk namaz sentyabr ayında qılınacaq”.

Kostas Qavroglu məscidi gəzərək müsəlman vətəndaşlarla söhbət edib.

Qeyd edək ki, məscidin rəhbərliyi Yunanıstan Təhsil Nazirliyi və Maliyyə Nazirliyindən iki dövlət məmuru, iki bələdiyyə işçisi, bir ali məhkəmə hakimi və iki müsəlman vətəndaşın iştirakı ilə 7 üzvlü bir heyətə tapşırılacaq.

Ölkə.Az