Ağcabədidə qoyun sürüsünü maşın vurdu
Ağcabədi rayonunda yol qəzası baş verib.
"Ölkə.Az"ın bölgə müxbirinin verdiyi məlumata görə, hadisə Mingəçevir-Bəhrəmtəpə yolunun Ağcabədi rayonunun Gələbədini kəndində baş verib.
Kənd sakinləri Ələsgər Ələsgərov və Allahyar Həsənov özlərinə aid qoyun sürüsünə yolu keçirmək istəyiblər. Bu zaman yüksək sürətlə hərəkətdə olan Hyundai Sonata markalı minik maşını qoyun sürüsünü vurub. Nəticədə 10 baş qoyun ölüb, 11-i yaralanıb.
Faktla bağlı araşdırma aparılır.
