"Aldadılmışıq, istismar olunmuşuq" — Əli Kərimlinin ən yaxın adamı olan siyasətçi yazdı

17:41
24.09.2017
384
Siyasət
A
Sahib Kərimli: "Cəbhəçi adından, Milli Şura adından könüllü imtina edin"

AXCP Rəyasət Heyətinin sabiq üzvü, yaxın zamanlara qədər Əli Kərimlinin ən yaxın adamı olmuş, tanınmış siyasətçi Sahib Kərimli özünün Facebook səhifəsində məqalə ilə çıxış edib. Ölkə.Az həmin yazını təqdim edir:

***

Bu günkü mitinqlə bağlı yazmaya bilərdim. Amma mümkün olmadı, özümlə bacarmadım. İllərim gedib bu yolda. Gəncliyimi, enerjimi xərcləmişəm. Aldadılmışıq, istismar olunmuşuq. Ortada nəticəsizlik və fiasko var.

Müstəqillik uğrunda mübarizənin qəhrəmanları, fədakar insanlar bu aqibətə layiq deyildilər. Onlar, yanlış idarəetmənin və dələduz siyasətçilərin günahı ucbatından bu hala gəldilər. Kiçik bir məhəllə meydançasını 5 ildir doldura bilməyən bir siyasi hərəkatın, təşkilatın rəhbərliyi utanc hissi keçirmək əvəzinə yeni fırıldaqlar üzərində baş sındırır. Kimi aldadırsız?Tribunanın yaxınlığına toplaşan hələlik heç nədən bixəbər yeni prosesə aldadıb qoşduğunuz 300 gəncimi? Yoxsa Rusiyada və digər xarici ölkələrdə yaşayan internet imkanlarından yeni yararlanmağa başlayan kontingentimi? O iki kəsimidən o qədər də narahat deyiləm. Ürəyim sızıldayır meydançanın mərkəz hissəsinə səpələnmiş biçarə hərəkatçılara. Onlar bu gün tribunadan pafosla səslənən ifunət qoxulu səslərdən az qaldı ki boğulalar. İllərini oğurlamısız. Duyğularını istismar etmisiz, zəhmətlərini boşuna xərcləmisiz. Hesabat verməli olduğunuz halda borclu çıxarırsız. Onlar abırlarına sığınıb sizdən hesabat tələb etmirlər ki, niyə yüzminlər çağırışınızdan xəbərdar olur amma qoşulmur. Bu gün bir daha özümə söz verdim. Hərəkatçıların istismarına imkan verməyəcəm. Onlar buna layiq deyillər. Cəbhəçi adından Milli Şura adından xoşluqla imtina edin. Buna layiq olmadığınızı görmək çoxmu çətindir?. Xalqın yaratdığı strukturlara rəhbərlik edənlər bir gün belə ona rəhbərlik etməyə layiq deyillər. Siz fədakar insanları bu hakimiyyətin qarşısında taqətsiz hala gətirib, dizlərini çökdürmüsüz. Şəxsi məqsədləriniz naminə milləti parçalamısız. Siz parçalamısız deyə hakimiyyətdəkilər sərvətləri rahat didib-parçalay bilir. Siz parçalamısız deyə ölkədə real tələblər səslənmir və idarə edənlər məsuliyyətsizdi. Siz parçalamısız deyə demokratik hərəkat bu qədər dişsizdir. Siz parçalamısız deyə müxalifət beynəlxalq qurumlar tərəfindən ciddi qəbul edilmir. Və nəhayət siz parçalamısız deyə bu ölkə insanı param-parçadır.

ŞƏRH YAZ
0

“Qarabağ” futbol klubunun rəmzi mənası — Fransa mətbuatı yazır

“Qarabağ” futbol klubunun rəmzi mənası
20:30
21.07.2018
2233
Siyasət
A
Fransanın www.ouest-france.fr portalında “30 minlik əhalisi olan Ağdam kabus şəhərə çevrilib” sərlövhəli məqalə dərc edilib.

"Ölkə.Az" AzərTac-a istinadən xəbər verir ki, məqalədə UEFA Avropa Liqasında mübarizə aparan Ağdamın “Qarabağ” futbol klubu haqqında ətraflı məlumat verilib.

Müəllif klubun doğma şəhəri Ağdamla bağlı maraqlı məqamlara toxunaraq, onun işğal altında olduğunu bildirib. Ermənistan-Azərbaycan, Dağlıq Qarabağ münaqişəsindən bəhs edən müəllif Ağdam şəhərinin strateji əhəmiyyətindən söz açıb. O, Ağdamın buradakı binaların rənginə görə hələ XVIII əsrdə “ağ şəhər” adlandırıldığını yazıb. Ağdamın qədim muzeylərinə dair ətraflı məlumatın verildiyi yazıda müharibə nəticəsində xarabazarlığa çevrilmiş şəhərin “Qafqazın Xirosiması” olduğu diqqətə çatdırılıb.

Ötən il Azərbaycan futbolunun tarixində ilk dəfə UEFA Çempionlar Liqasının qrup mərhələsində çıxış edən “Qarabağ” klubunun bu il avrokuboklarda mübarizəyə əzmkarlıqla başlaması komandanı yenidən qitənin idman mətbuatının diqqət mərkəzinə çevirib. Bu məqamın xüsusi vurğulandığı yazıda klubun 1993-cü ildən etibarən ev oyunlarını doğma şəhərində keçirə bilməməsi qeyd edilib, Ağdamın “kabus şəhəri”n təmsilçisi olduğu diqqətə çatdırılıb.

Ölkə.Az

ŞƏRH YAZ
0

İlham Əliyev Misirin prezidentini təbrik etdi

İlham Əliyev Misirin prezidentini təbrik etdi
16:33
21.07.2018
2094
Siyasət
A
İlham Əliyev Misirin prezidenti Əbdülfəttah əs-Sisiyə təbrik edib.

"Ölkə.Az"ın məlumatına görə, təbrikdə deyilir:

 "Misir Ərəb Respublikasının milli bayramı – İnqilab Günü münasibətilə Sizi və bütün xalqınızı öz adımdan və Azərbaycan xalqı adından ürəkdən təbrik edirəm.

İnanıram ki, Azərbaycan ilə Misir arasındakı ənənəvi dostluq və əməkdaşlıq münasibətlərinin inkişafı və daha da möhkəmləndirilməsi yolunda səylərimizi bundan sonra da müvəffəqiyyətlə davam etdirəcəyik.

Bu əlamətdar gündə Sizə möhkəm cansağlığı, işlərinizdə uğurlar, dost Misir xalqına əmin-amanlıq və rifah arzulayıram".

ŞƏRH YAZ
0
BAĞLA