KORONAVİRUSA YOLUXANLARIN SAYI - CANLI STATİSTİKA

Ali və orta ixtisas təhsili müəssisələrinə sənəd qəbulu təxirə salındı

Ali və orta ixtisas təhsili müəssisələrinə sənəd qəbulu təxirə salındı
09:29
26.03.2020
1761
Ölkə
A
Nazirlər Kabineti tərəfindən Koronavirus infeksiyasının ölkə ərazisində yarada biləcəyi təhlükənin qarşısının alınması məqsədilə həyata keçirilən ardıcıl tədbirlərə uyğun olaraq Dövlət İmtahan Mərkəzi (DİM) tərəfindən 2020‑ci il 30 mart – 27 aprel tarixlərində aparılması nəzərdə tutulan ali və orta ixtisas təhsili müəssisələrinə sənəd qəbulu, eləcə də aprel ayı üçün planlaşdırılan bütün tədbirlər təxirə salınıb.

"Ölkə.Az" xəbər verir ki, bu barədə APA-ya DİM-in mətbuat xidmətindən məlumat verilib. 

"Ali və orta ixtisas təhsili müəssisələrinə sənəd qəbulu, daha öncə təxirə salınan 11-ci sinif buraxılış (qəbul) imtahanları, həmçinin martın 9, 15 və 29-da keçirilməli olan imtahanların vaxtı Nazirlər Kabineti yanında Operativ Qərargahın qərarlarına uyğun olaraq müəyyən ediləcək və bu barədə ictimaiyyətə əvvəlcədən məlumat veriləcək. Dövlət İmtahan Mərkəzi vətəndaşları Nazirlər Kabineti tərəfindən müəyyən edilən özünütəcrid tədbirlərinə uyğun davranmaq, yalnız ciddi ehtiyac yarandıqda evdən çıxmaq, digər şəxslərlə minimum kontaktda olmaq, insanların sıx toplaşdığı yerlərə getməmək, mövcud qabaqlayıcı tədbirlərin şərtlərinə ciddi əməl etməyə çağırır".

Ölkə.Az

ŞƏRH YAZ
0

Bu avtobusların hərəkət sxemi — DƏYİŞİLDİ

Bu avtobusların hərəkət sxemi
21:29
Bu gün
1334
Ölkə
A
Aparılan tikinti-bərpa işləri ilə əlaqədar olaraq, Bibiheybət məscidindən şəhər istiqamətinə yeni yol ilə hərəkət müvəqqəti məhdudlaşdırılır.

"Ölkə.Az" bildirir ki, Bakı Nəqliyyat Agentliyindən report-a bildirilib ki, tikinti-bərpa işləri ilə əlaqədar olaraq mart ayının 30-u səhər saatlarından Bibiheybət məscidindən şəhər və əks istiqamətdə, yeni yolda nəqliyyat vasitələrinin hərəkətində məhdudiyyət tətbiq ediləcəyindən ərazidə fəaliyyət göstərən 120,125 və 205 nömrəli müntəzəm marşrutların hərəkət sxemlərində dəyişiklik edilərək köhnə Bibiheybət yolu – 20-ci Sahə dairəsi ilə təşkil ediləcəkdir.

ŞƏRH YAZ
0

Məşhur “Sahil usta” karantinə alındı — FOTO

Məşhur “Sahil usta” karantinə alındı
21:23
Bu gün
1680
Ölkə
A
Azərbaycanın məşhur avtomobil mütəxəssisi “Sahil usta” kimi tanınan Sahil Ağabəyli koronavirus şübhəsilə karatinə alınıb.

"Ölkə.Az" xəbər verir ki, o, Naxçıvandan qayıdarkən Heydər Əliyev adına Beynəlxalq Hava Limanından bir başa karantin mərkəzinə aparılıb.

Usta faktı BakuPost-a təsdiqləyib. Bildirib ki, artıq bir həftədir, Bakı Olimpiya Stadionunun “Atletlər kəndi”də saxlanılır.

Qeyd edək ki, Azərbaycanda karantin müddəti 14-21 gündür.

 Məşhur “Sahil usta” karantinə alındı  – FOTO
ŞƏRH YAZ
0
BAĞLA