Asim Mollazadə: “Kasıb balaları ali məktəblərdə pulsuz oxumalıdır"

Asim Mollazadə: “Kasıb balaları ali məktəblərdə pulsuz oxumalıdır
17:53
12.06.2018
20881
Siyasət
A
"Sovet vaxtında universitetlərə tələbə qəbulu prosesində xoşagəlməz hadisələr olurdu. Bu gün biz bu sahədə müəyyən inkişafa nail ola bilmişik. Tək varlı ailələrin uşaqları yox, imkansız ailələrin istedadlı uşaqları Azərbaycanda universitetlərə daxil ola bilir. Həmin uşaqlar müstəqillik dövrümüzdə təhsilini davam etdirə bilir və ölkəmizin müxtəlif qurumlarında çalışırlar".

“Ölkə.Az” xəbər verir ki, bu fikirləri Milli Məclisin bu gün keçirilən plenar iclasında “Təhsil haqqında”qanuna dəyişiklik layihəsinin müzakirəsi zamanı deputat Asim Mollazadə deyib. 

Deputat bildirib ki, imkanı az olan ailələrin ödənişsiz təhsil almaları üçün şərait yaradılmalıdır: 

“Çünki hər zaman imkanlı ailələr övladlarını xaricdə və ölkəmizdə oxutdurmaq üçün vəsait tapa bilər. Tələbə qəbulu imtahanları Azərbaycanda məhz imkansız və savadlı uşaqların təhsil alması üçün qapını açan sistemdir”.

Mollazadə deyib ki, beynəlxalq fənn olimpiadalarının qalibləri ali təhsil müəssisələrinə müsabiqədənkənar qəbul olunmamalıdır: 
“Onlar elə imtahanı da verib universitetə qəbul oluna bilərlər. Mənə elə gəlir ki, biz bu sistemi pozmaqla hansısa xoşagəlməz hadisələr üçün imkanlar yaradırıq. Ya sistemdə köklü dəyişikliklər etməliyik, ya da buna toxunmamalıyıq. İmkan verməliyik ki, hamı ədalətli prinsiplərlə imtahanları verib, öz biliyi ilə universitetə daxil olsun”.

Vasif Həsənli
Ölkə.Az

ŞƏRH YAZ
0

Gülxar Həsənovanın yubileyi qeyd olunacaq

Gülxar Həsənovanın yubileyi qeyd olunacaq
18:24
Bu gün
539
Siyasət
A
Prezident İlham Əliyev avqustun 15-də görkəmli opera müğənnisi, xalq artisti Gülxar Həsənovanın anadan olmasının 100 illiyinin keçirilməsi haqqında sərəncam imzalayıb.

"Ölkə.Az" xəbər verir ki, sərəncama əsasən, Gülxar Həsənovanın 100 illik yubileyinə həsr olunmuş tədbirlər planının hazırlanıb həyata keçirilməsi Mədəniyyət Nazirliyinə tapşırılıb.

Sərəncamda vurğulanır ki, 2018-ci ilin dekabr ayında Azərbaycanın görkəmli opera müğənnisi, xalq artisti Gülxar Həsənovanın anadan olmasının 100 illiyi tamam olur. Gülxar Həsənova Azərbaycan operasının şah əsərlərində təbiiliyi, dolğunluğu və özünəməxsusluğu ilə seçilən çox sayda unudulmaz obrazlar yaradıb, uzun illər ərzində aparıcı partiyalardakı yaddaqalan çıxışları ilə ifaçılıq sənəti tariximizə yeni səhifələr yazıb. Gənc opera solistlərinin hazırlanmasında onun təqdirəlayiq xidmətləri vardır. Yüksək səhnə mədəniyyətinə malik sənətkar muğam, təsnif və xalq mahnılarının mahir ifaçısı kimi musiqisevərlərin qəlbində dərin izlər buraxıb. 

ŞƏRH YAZ
0

Babək prospekti yenidən qurulacaq — SƏRƏNCAM

Babək prospekti yenidən qurulacaq
18:20
Bu gün
399
Siyasət
A
Babək prospektinin yenidən qurulmasına 20 milyon 100 min manat vəsait ayrılıb.

"Ölkə.Az" xəbər verir ki, Prezident İlham Əliyev avqustun 15-də “Bakı şəhərinin Babək prospektinin yenidən qurulması ilə bağlı tədbirlər haqqında” sərəncam imzalayıb.

Sərəncama əsasən, Bakı şəhəri ərazisində ümumşəhər əhəmiyyətli Babək prospektinin yenidən qurulması məqsədilə Azərbaycan Avtomobil Yolları Dövlət Agentliyinə 20,1 milyon manat vəsait ayrılıb. 

ŞƏRH YAZ
0
BAĞLA