Ayı ovçuların soyuducusunu oğurladı
Rusiyanın Kamçatka bölgəsində maraqlı hadisə qeydə alınıb.
“Ölkə.Az” xəbər verir ki, ayı ovçuların yeməklə dolu soyuducusunu oğurlayıb.
Ovçular avtomobillərini yolun kənarında saxlayıblar və nə iləsə məşğul olublar. Bu zaman ayı maşına yaxınlaşıb və kuzovdakı yeməklə dolu soyuducunu götürərək aradan çıxıb. Oğurluq anını ovçular da görüblər və onlardan biri baş verənləri mobil telefonun yaddaşına köçürüb. Ovçular havaya bir neçə dəfə atəş açıblar ki, ayı qorxsun və soyuducunu buraxaraq qaçsın. Amma yırtıcı soyuducunu dişində dartaraq aparıb.
Hikmət Həsənov
Ölkə.Az
