Azərbaycan bir gündə üç medal qazandı
Bakıda keçirilən cüdo üzrə “Böyük Dəbilqə” turnirinin ikinci günündə Azərbaycan cüdoçuları üç medal qazanıb.
"Ölkə.Az" xəbər verir ki, 73 kq çəki dərəcəsində mübarizə aparan üç cüdoçumuz həlledici görüşlərdə qalib gəlib.
Belə ki, Telman Vəliyev və Rüstəm Orucov bürünc, Hidayət Heydərov isə qızıl medal qazanıb.
Bununla da bu turnirdə medallarımızın sayı dördə çatıb.
Xatırladaq ki, dünən Nicat Şıxəlizadə gümüş medal qazanmışdı.
Ölkə.Az
