Azərbaycan millisi Gürcüstanı məğlub edib

Azərbaycan millisi Gürcüstanı məğlub edib
19:32
12.06.2019
1420
İdman
A
Kişi voleybolçulardan ibarət Azərbaycan millisi Gümüş Avropa Liqasında V turun oyununu keçirib.

"Ölkə.Az" xəbər verir ki, Fərid Cəlalovun baş məşqçilik etdiyi kollektiv evdə Gürcüstanla üz-üzə gəlib.

Qarşılaşma Azərbaycan komandasının 3:0 hesablı qələbəsi ilə yekunlaşıb. İlk iki set yığmanın aşkar üstünlüyü ilə bitib. Üçüncü setdə rəqib müqavimət göstərməyə çalışsa da, istəyinə nail ola bilməyib.

Bu nəticədən sonra Azərbaycan millisi ikinci qələbəsini qazanmaqla xallarının sayını 6-ya yüksəldib. Gürcüstan isə xalsız qalıb. B qrupunun digər görüşündə isə Danimarka və Rumıniya yığmaları üz-üzə gələcək. Rumıniya 4 oyundan 12 xalla qrup qalibi kimi növbəti mərhələni təmin edib. 9 xala malik Danimarka bu görüşdə 2:3 hesabı ilə uduzsa belə, Azərbaycan növbəti mərhələ şansını tamamilə itirəcək.

Gümüş Avropa Liqası

B qrupu

V tur

Azərbaycan - Gürcüstan - 3:0 (25:17, 25:8, 25,22) 

Hakimlər: Uladzimir Kukaşinov (Belarus), Fuad Ağayev (Azərbaycan)

Bakı. Voleybol Mərkəzi.

Qeyd edək ki, Azərbaycan millisi qrupdakı son oyununu evdə Danimarkaya qarşı keçirəcək.

ŞƏRH YAZ
0

“Qarabağ” Avropa Liqasının beşqat qalibi ilə qarşılaşacaq

“Qarabağ” Avropa Liqasının beşqat qalibi ilə qarşılaşacaq
10:46
Bu gün
24
İdman
A
Futbol üzrə Azərbaycan çempionu “Qarabağ” bu gün növbəti avrokubok matçını keçirəcək.

"Ölkə.Az" xəbər verir ki, Ağdam klubu Avropa Liqasının qrup mərhələsində mübarizəyə başlayacaq.

A qrupunun I turu çərçivəsində "Qarabağ" klubu İspaniyanın “Sevilya” komandası ilə qarşılaşacaq.

Qeyd edək ki, indiyədək qrup mərhələsinə iki dəfə evdə başlayan Ağdam klubu beş il öncə “Sent-Etyenn”, üç il əvvəl “Slovan”la heç-heçə edib.

Avropa Liqası
Qrup mərhələsi

I tur
19 sentyabr
A qrupu
Baş hakim: Yevgeni Aranovski
Baş hakimin köməkçiləri: Semyon Şlonçak, İqor Alyoxin
Dördüncü hakim: Yaroslav Kozik (hamısı Ukrayna)
Hakim-inspektor: Elmir Pilav (Bosniya və Herseqovina)
UEFA nümayəndəsi: Boris Stankov (Bolqarıstan)
Bakı. Tofiq Bəhramov adına Respublika Stadionu
20:55. “Qarabağ” (Azərbaycan) – “Sevilya” (İspaniya). (baku.ws)

Ölkə.Az

ŞƏRH YAZ
0

Mariya Stadnik dünya çempionu oldu

Mariya Stadnik dünya çempionu oldu
21:30
18.09.2019
1566
İdman
A
Azərbaycanın qadın güləşçisi Mariya Stadnik 50 kq çəki dərəcəsində dünya çempionu olub.

"Ölkə.Az" xəbər verir ki, o, həlledici görüşdə rumıniyalı Emiliya Alina Vuçu ilə görüşüb. 

İlk hissəni 5:0 hesabı ilə irəlidə bitirən M.Stadnik yekunda rəqibinə göz açmağa imkan verməyib: 13:0.

Bununla da M.Stadnik ikinci dəfə dünya çempionu tituluna yiyələnib.

Qeyd edək ki, yeddiqat Avropa çempionu olan Stadnik dünya çempionatında ilk dəfə 2009-cu ildə qızıl medal qazanmışdı.

Ölkə.Az

ŞƏRH YAZ
0
BAĞLA