Azərbaycan Qış Olimpiadasında təmsil olunacaq

Azərbaycan Qış Olimpiadasında təmsil olunacaq
19:31
01.12.2017
1016
İdman
A
Azərbaycan Qış Olimpiya Oyunlarındakı iştirak ənənəsini davam etdirəcək.

"Ölkə.Az" Apasport-a istinadən xəbər verir ki, yığmamız ardıcıl 6-cı dəfə Ağ Olimpiadada mübarizə aparacaq.Azərbaycanın bayrağı ilk dəfə 1998-ci ildə Yaponiyanın Naqona şəhərində dalğalanıb. Həmin vaxtdan bütün analoji yarışlara qatılan ölkəmiz 2018-ci ildə Cənubi Koreyanın Pxençxan şəhərində təşkil olunacaq Qış Olimpiya Oyunlarında da idman ailəsindən kənar düşməyəcək.
 
Artıq Azərbaycanın Asiya ölkəsindəki təmsilçi sayı da dəqiqləşib. Yığmamız Pxençxanda yalnız 1 idmançı ilə mübarizə aparacaq. Ardıcıl 3-cü, ümumilikdə 4-cü dəfə dağ xizəyi yarışlarında təmsilçimiz də start xəttinə çıxacaq. Bu dəfə ölkəmizi Robert Solsona təmsil edəcək. 22 yaşlı Andorra əsilli dağ xizəkçisi lisenziya xallarının sayına görə Cənubi Koreyada çıxış etmək hüququna yiyələnib. Onun Azərbaycan bayrağı altında Olimpiadaya qatılması isə növbəti həftə rəsmən açıqlanacaq.
 
Nəhəng slalomda çıxış edən Solsona Olimpiadada 2 dəst medal uğrunda mübarizə aparacaq. O, nəhəng slalomla yanaşı, slalomda da mükafata iddia edəcək.
 
Qeyd edək ki, Soçi-2014-də də ölkəmiz yalnız dağ xizəyində təmsil olunmuşdu. Patrik Braxner kişilərin, Qaya Bassani Antivari qadınların yarışında Rusiyada iştirak hüququna yiyələnmişdi. 

ŞƏRH YAZ
0

AÇ: Azərbaycan İtaliyaya qalib gəldi

AÇ: Azərbaycan İtaliyaya qalib gəldi
01:13
Bu gün
26
İdman
A
Yunanıstanda keçirilən şahmat üzrə klublararası Avropa çempionatında (AÇ) IV tur başa çatıb.

"Ölkə.Az" xəbər verir ki, kişilərdən ibarət “Odlar Yurdu” komandamız İsrailin “Beer Şeva” klubu ilə üz-üzə gəlib.

Görüşdə qalib müəyyənləşməyib - 4:4. İlk xal itkisi ilə üzləşən komandamız yeddi xalla III pillədədir.

“Odlar Yurdu”nun qadınlar komandası isə İtaliyanın “Çaissa” klubu ilə üzləşib. Qızlarımızın dördü də öz görüşlərini qələbə ilə başa vurub - 4:0. Komandamız dörd xalla öz qrupunda III pillədədir.

Ölkə.Az

ŞƏRH YAZ
0

"Hətta komanda qalib gələn zaman mənə təhqirlər davam edirsə, buna başqa izah verə bilmirəm” — Mahir Mədətov

00:44
Bu gün
54
İdman
A
"İştirakım olmayan epizodlarda, mövqeyimdən uzaq baş verənlərdə, hətta komandamız qalib gələn zaman mənə təhqirlər davam edirsə, buna başqa izah verə bilmirəm”.

"Ölkə.Az" xəbər verir ki, bunu report-a açıqlamasında "Qarabağ” klubunun və Azərbaycan milli komandasının futbolçusu Mahir Mədətov ev oyunları zamanı fitə basılmasına cavab olaraq deyib.

Mədətov son oyunlarda qol vura bilməməsini belə izah edib:

"Hamıdan çox fərqlənib komandama kömək etmək istəyirəm. Futbol bir komanda oyunudur. Komanda yoldaşım fərqlənirsə, bu, hamımızın uğurudur. Azarkeş də komandanı dəstəkləyir, hansısa bir futbolçunu yox. Hər zamankından daha çox çalışıram ki, komandaya xeyir verim. Düzdür, beynəlxalq oyunlarda hələ qol vurmamışam. Amma inanıram ki, o da olacaq”.

"Özümü kiməsə sübut etmək kimi fikrim yoxdur” deyən hücumçu əsas məqsədinin baş məşqçi Qurban Qurbanovun verdiyi tapşırıqları yerinə yetirməkdən ibarət olduğunu vurğulayıb:

"Futbolçuyam, öz işimi görürəm, baş məşqçinin verdiyi tapşırıqlara əməl edirəm. Üzərimə düşən vəzifəmi, işimi icra etməyə çalışıram.

Mahir Mədətov "Qarabağ"ın İngiltərə "Arsenal"ı ilə Avropa Liqası, Azərbaycan yığmasının isə Malta ilə UEFA Millətlər Liqası matçlarında qol epizodlarından yararlana bilmədiyi üçün azarkeşlərin sərt reaksiyası ilə qarşılaşıb.

Ölkə.Az

ŞƏRH YAZ
0
BAĞLA