Bakı-2019: Güləşçilərimizdən iki qızıl, üç gümüş, bir bürünc medal
Azərbaycan güləşçiləri Avropa Gənclərinin Olimpiya Festivalı (EYOF) çərçivəsində aktivlərinə daha iki medal əlavə ediblər.
"Ölkə.Az" bildirir ki, 48 kq çəki dərəcəsində mübarizə aparan Mircavad Nəbiyev türkiyəli Şükrü Korpeyə qalib gəlib və bürünc medal uğrunda mübarizə aparmağa haqq qazanıb. Həlledici görüşdə isveçrəli Tomas Fişeri yolundan kənarlaşdıran idmançımız yekunda mükafatçılar sırasına düşməyi bacarıb.
60 kq çəkidə yarışan Sabir Cəfərov finalda Rusiya təmsilçisi Fyodr Baltuyevə yenilib və həmyerlimizin qazancı gümüş medal olub.
Qeyd edək ki, güləşçilərimiz EYOF-un ikinci günündə ümumilikdə iki qızıl, üç gümüş, bir bürünc medal qazanıb.
Ölkə.Az
