Bakıda caz festivalı başladı

Bakıda caz festivalı başladı
22:49
14.10.2018
1653
Mədəniyyət
A
“Electra Events Hall”da Beynəlxalq Caz Festivalının açılışı münasibətilə tanınmış Britaniya soul-ifaçısı və bəstəkar Omar Lye-Fukun konserti olub.

"Ölkə.Az" AzərTac-a istinadən xəbər verir ki, müxtəlif müsabiqə və festivalların iştirakçısı olan Omar Lye-Fuku ifası tamaşaçılar tərəfindən maraqla qarşılanıb. İfaçını caz janrının Britaniya neo-soul istiqamətinin “atası” adlandırırlar.

Xatırladaq ki, oktyabrın 28-dək davam edəcək festival Mədəniyyət Nazirliyi və “Caz dünyası” jurnalının təşkilati dəstəyi ilə keçirilir.

Festival çərçivəsində oktyabrın 15-də Beynəlxalq Muğam Mərkəzində hazırda xaricdə yaşayan məşhur bakılılar – populyar pianoçu Leonid Ptaşka və virtuoz gitaraçı Həsən Bağırov çıxış edəcək. “Rotunda Jazz Club (Landmark)” səhnəsində 14 ölkədən gəlmiş qruplar cazın müxtəlif janrlarında öz ustalıqlarını nümayiş etdirəcəklər: Əfqan Rəsul, Elvin Bəşirov, Nurlan Abdullazadə (Azərbaycan), Laura Poldvere (Estoniya), Jan-Kristof Şoletin triosu (Fransa), “Music, music, music” qrupu (İsveç), Uv Steinmetz (Almaniya), Can Cankaya və Kaqan Yıldız (Türkiyə), Martin Saleminin triosu (Belçika), Xelqe Leinin triosu (Norveç), “Kodaly Spicy Jazz” qrupu (Macarıstan), Mişel Pippokuino (Braziliya), Ruben Xainin triosu (Hollandiya), Qreqori Maret – Kristi Daşel qrupu (ABŞ), habelə Norveç caz orkestri açıq məkanda çıxış edəcək. Axşam konsertlərindən sonra adlı-sanlı cazmenlərin və gənc ifaçıların iştirakı ilə cem-seyşnlər təşkil olunacaq.

Ənənəvi olaraq gənc caz ifaçılarının beynəlxalq müsabiqəsi keçiriləcək, rəssam Cəmalə Rəhmanlının “Azərbaycan caz qüllələri” sərgisi, kino tənqidçisi Ülvi Mehdinin “Caz janrının klassikası” təqdimatı olacaq və kinoprokat yenilikləri barədə məlumat veriləcək.

Ölkə.Az

ŞƏRH YAZ
1

Aydın Xırdalanlı vəfat etdi

Aydın Xırdalanlı vəfat etdi
19:52
Bu gün
12911
Mədəniyyət
A
Məşhur meyxanaçı Aydın Xırdalanlı vəfat edib.

"Ölkə.Az"-ın məlumatına görə, bu barədə sosial şəbəkədə xəbər yayılıb.

Qeyd edək ki, A.Xırdalanlı serrozdan əziyyət çəkirdi.

Xatırladaq ki, Azərbaycan meyxana tarixinin əfsanələrindən olan A.Xırdalanlı 2001-ci ildə ANS telekanalının təşkil etdiyi "De, gəlsin" yarışmasının qalibi olub.

Xəbəri "Ölkə.az"-a meyxanaçının həmkarı Rüfət Nasosnu təsdiqləyib.

Allah rəhmət eləsin!

ŞƏRH YAZ
0

Alim Qasımov UNESCO-nun baş qərargahında konsert verib — FOTO

Alim Qasımov UNESCO-nun baş qərargahında konsert verib
09:00
21.03.2019
5266
Mədəniyyət
A
Parisdə UNESCO-nun baş qərargahında beynəlxalq Novruz günü münasibətilə Alim Qasımovun ifasında "Yeddi gözəl" muğam konserti keçirilib.

"Ölkə.Az" report-a istinadən bildirir ki, konsert Azərbaycan Respublikasının UNESCO yanında daimi nümayəndəliyinin təşkilatçılığı ilə Novruzun bu mötəbər qurumun qeyri-maddi irs siyahısına salınmasının 10 illiyi münasibətilə baş tutub.

Tədbirdə Azərbaycan mədəniyyət nazirinin müavini Sevda Məmmədəliyeva, UNESCO yanında daimi nümayəndə Anar Kərimov, diplomatik korpusun nümayəndələri və digər qonaqlar iştirak ediblər.

Mərasimdə çıxış edən natiqlər bəşəriyyətin bu hər iki irsi haqqında, öz ənənələri ilə xalqları bir-birinə yaxınlaşdıran, universal bir dilə malik Novruz və fərqli dillərdə danışan millətlərin hər birinin hər zaman zövqlə dinlədiyi Azərbaycan muğamı haqqında ətraflı məlumat veriblər.

Tədbirdə çıxış edən Azərbaycanın UNESCO yanında daimi nümayəndəsi Anar Kərimov Novruzun qardaşlıq, dostluq, sülh, barışıq rəmzi olduğunu bildirib və bu bayramın bugünkü münqişələr yaşanılan bir dövrdə əhəmiyyətindən söz açıb.

Dünya şöhrətli xanəndə Alim Qasımovun ifasında Azərbaycan muğamı qonaqların gurultulu alqışları ilə qarşılanıb. Xanəndəni kamançada Mirsaeed Xavər Nejad, tarda Zəki Vəliyev, dəfdə Javidan Nəbiyev müşayiət ediblər.

Ölkə.Az

ŞƏRH YAZ
0
BAĞLA