Bakıda tanışların mübahisəsində bıçaqlar “danışdı”
Bakı Ağır Cinayətlər Məhkəməsində qəsdən adam öldürməyə cəhddə təqsirləndirilən Elvin Həmzəyevin cinayət işi üzrə məhkəmə prosesi davam edir.
"Ölkə.Az" xəbər verir ki, hakim Zeynal Ağayevin sədrliyi ilə keçiriləcək növbəti məhkəmə baxış iclası iyul ayının 15-nə təyin olunub.
Qeyd edək ki, İmişli rayon sakini Elvin Həmzəyev 2018-ci il noyabrın 27-də Nərimanov rayonu ərazisində münaqişə zəminində Astara rayon sakini Tural Tarverdiyevə bıçaqla ağır bədən xəsarəti yetirməkdə şübhəli bilinərək saxlanılıb.
İstintaq orqanı tərəfindən E.Həmzəyevə Cinayət Məcəlləsinin 29, 120.1 (qəsdən adam öldürməyə cəhd) maddəsi ilə ittiham verilib.
Natiq Allahverdiyev
Ölkə.Az
