Bakıda uşaq bağçası yanıb

"Ölkə.Az" xəbər verir ki, saat 16:00 radələrində Bakı şəhər Nərimanov rayon Ziya Bunyadov küçəsində yerləşən uşaq bağçasında yanğın baş verib.

Hadiə yerində olan Ölkə.Az-ın əməkdaşının bildirdiyinə görə, Ziya Bunyadov küçəsində hündürmərtəbəli binanın altında yerləşən "Göy Qurşağı" uşaq baxçasının yanındakı boş ərazidə baş verən yanğın genişlənərək bağçanın ərazisinə keçib.

Bina sakinlərinin sözlərinə görə, binaya bitişik yerdə tullanmış təkərlər və taxtaların  yanğın baş verib və həmin yanğın bağçaya keçib.

Hadisə şahidlərinin verdiyi məlumata görə, yanğın baş verən vaxt bağçada 15-ə yaxın uşaq olub və uşaqlar dərhal təxliyyə ediliblər.

Hadisə zamanı xəsarət alan yoxdur.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvə və texnikası cəlb olunub və yanğın böyümədən söndürlüb. Hadisə şahidlərinin sözlərinə görə, yanğın söndürənlər bir neçə dəqiqə geciksəydilər, yanğının qarşısını almaq olmazdı.

Yanğın söndürənlərdən əlavə hadisə yerində polis və təcili tibbi yardım maşınları da cəlb olunub.

Səxavət Məmməd
Ölkə.Az