Bakıda 39 yaşlı kişi bıçaqlanıb
Bakıda qəsdən sağlamlığa ağır xəsarət yetirməkdə təqsirli bilinən Anar Heydərovun cinayət işi üzrə ibtidai istintaq başa çatıb.
"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.
Cinayət işi hakim Rahib Salmanovun icraatına verilib.
İş üzrə məhkəmə hazırlıq iclası iyun ayının 16-na təyin olunub.
Qeyd edək ki, hadisə Binəqədi rayonu ərazisində baş verib.
1980-ci il təvəllüdlü Xanlarov Şahsuvar Barat oğlu naməlum şəxs tərəfindən bıçaqlanıb.
Yaralı xəstəxanaya yerləşdirilib.
Keçirilən əməliyyat tədbirləri nəticəsində cinayəti törətməkdə şübhəli bilinən Anar Heydərov saxlanılıb.
Ona qarşı cinayət məcəlləsinin müvafiq maddəsi ilə ittiham elan olunub.
Ölkə.Az
