Bərzani: \"Referendum təxirə düşməyəcək\"
Şimali İraq Kürd Muxtariyyatının lideri Məsut Bərzani referendumla bağlı yeni açıqlama verib.
"Ölkə.Az" xəbər verir ki, Bərzani 25 sentyabr tarixində nəzərdə tutulan referendumun təxirə salınmayacağını, bunun ən təbii haqları olduğunu bildirib.
Bərzani Ərbildə Şimali İraq Kürd Muxtariyyatının qeyri-hökumət təşkilatları və həmkarlar ittifaqı nümayəndələri ilə görüşüb. Görüşdə referendumla bağlı çıxış edən Bərzani deyib: "Bəzi ölkələrin və xalqların "referendum vaxtı deyil" açıqlamasına həqiqətən məəttəl qalıram. Bir günah etmirik. Bu demokratik və sülh addımıdır. Təbii haqqımızdan istifadə edirik. Əslində bir xalqın istəklərinin qarşısını almaq cinayətdir".
Qeyd edək ki, referendum məsələsinə başda rəsmi Bağdad olmaqla, Türkiyə və ABŞ kimi dövlətlər də mənfi yanaşır.
Hikmət Həsənov
Ölkə.Az
