BMT-nin dəhşətli rəqəmləri: \"65.6 milyon insan evini tərk etmək məcburiyyətindədir\"

"Ölkə.Az" xəbər verir ki, bu rəqəmlər ötən ilin rəqəmləri ilə müqayisədə 300 min nəfər çoxdur və rekord göstərici sayılır.

2016-cı ilin sonlarında  qaçqın, məcburi köçkün sayı 65.6 milyon nəfər olub. BMT bu hesabatını 19 iyun tarixində Cenevrədə yayımlayıb. Hesabatda deyilir: "2016-cı ilin sonlarında dünyada 65.6 milyon insan münaqişə, zorakılıq, insan hüquqlarının tapdalanması səbəbindən daimi yaşayış yerini tərk etmək məcburiyyətində qalıb. Bu rəqəm ötən ilin rəqəmi ilə müqayisədə 300 min nəfər çoxdur və rekord göstərici sayılır".

Söhbət 3 kateqoriya üzrə evini tərk etmək məcburiyyətində qalanlardan gedir. 22.5 milyon insan ölkəsinin sərhədlərindən kənarda məskunlaşıb və qaçqın statusu daşıyır. 40.3 milyon insan isə ölkə daxilində yerdəyişmə edib. 2.8 milyon insan isə sığınacaq tələb edənlərdir.

Hikmət
Ölkə.Az