Bu göyərçini 1 milyon 252 min avroya satdılar
Belçikada keçirilən bir hərracda dünyanın ən bahalı göyərçini satılıb.
“Ölkə.Az” xəbər verir ki, göyərçinə 1 milyon 252 min avro ödənilib. Uzun məsafə yarışlarında çempion olan poçt göyərçini çinli sahibi tərəfindən artıq yarışlara buraxılmayacaq.
Göyərçinin yeni sahibi 5 yaşlı poçt göyərçinini artıq damazlıq kimi istifadə edəcək. Armando adlı göyərçin uzun məsafəyə keçirilən yarışlarda çempion olub.
Qeyd edək ki, Belçikada 2017-ci ildə keçirilən hərracda bir poçt göyərçininə 400 min avro ödənilib.
Hikmət Həsənov
Ölkə.Az
