\"Bu gün Azərbaycan dünyanın nüfuzlu dövlətlərindən birinə çevrilib\"
Bunu "Ölkə.Az"a açıqlamasında Milli Məclisin deputatı, YAP Siyasi Şurasının üzvü Aydın Hüseynov bildirib.
Deputat deyib ki, Prezident İlham Əliyevin rəhbərliyi ilə Azərbaycan çox sürətlə inkişaf edərək iqtisadi inkişaf sürətinə görə dünyada lider dövlətlərdən birinə çevrilib:
"Prezident İlham Əliyev ötən gün parlamentin 100 illiyi münasibətilə keçirilən iclasdakı çıxışında da dedi ki, bu gün Azərbaycan dünya xəritəsində bir uğur nümunəsidir. Bu gün Azərbaycan tam müstəqil siyasət aparır. İstər xarici siyasətlə, daxili siyasətlə, iqtisadiyyatla bağlı olan bütün nəaliyyətlər bu məqsədə xidmət göstərir ki, bizim müstəqilliyimiz daha da möhkəmlənsin. Dövlətimizin başçısının bu fikri bir daha sübut edir ki, ölkəmiz təkcə regionda deyil, dünya coğrafiyasında mühüm statusa malikdir".
A.Hüseynov qeyd edib ki, ötən gün Azərbaycan parlamentinin 100 illik yubileyi münasibətilə təşkil olunan təntənəli xüsusi iclasda xarici ölkələrdən çoxsaylı nümayəndə heyətlərinin, bir sıra nüfuzlu beynəlxalq təşkilatların təmsilçilərinin iştirakı böyük siyasi əhəmiyyət daşıyır:
"Bu həm də Azərbaycanın yüksək beynəlxalq nüfuzundan xəbər verir. Bu gün Azərbaycan dünyanın nüfuzlu dövlətlərindən birinə çevrilib. Hesab edirəm ki, Azərbaycanın bu uğuru xalqımızın firavan yaşaması üçün də mühim töhfədir".
Zaur Əziz
Ölkə.Az
