Buddaçı rahib idi, cinsiyyətini dəyişdirib Taylandın ən gözəl modeli oldu — FOTOLAR

Buddaçı rahib idi, cinsiyyətini dəyişdirib Taylandın ən gözəl modeli oldu
09:25
11.08.2018
7167
Dünya
A
Dünyanin ən gözəl modellərindən biri Mimi Taodur.

“Ölkə.Az” xəbər verir ki, Mimi Budda məbədindəki məktəbdə təhsil alıb və cinsiyyətini dəyişdirib model olub.

22 yaşlı Mimi oğlan uşağı kimi dünyaya gəlib. 12 yaşında keşiş olmaq üçün kişilərin təhsil aldığı Budda məktəbinə daxil olub. Səbəb isə maddi sıxıntı içində olan ailənin yükünü bir az da olsa azaltmaq idi. Amma özünü bu məktəbə aid hiss etmədi və həyatı ilə bağlı böyük bir dəyişikliyə ehtiyac duydu. Bu səbəbdən məktəbi buraxmaq qərarına gəldi.

Mimi kiçik yaşlarından özünü qız kimi hiss edirdi amma reaksiyalardan qorxduğu üçün bunu nə cəmiyyətə, nə də ailəsinə hiss etdirib. Nəticədə isə qız davranmağa başlayanda sərt reaksiyalara məruz qalır. Amma Mimi bütün çətinliklərin öhdəsindən gəlir və Sinqapura köçərək model dünyasına atılmağa qərar verir.

O, ilham pərisi olan Yui Yuhetkanha adlı model ilə tanış olur və Yui ona 3 ay dərs verir. Bir müddət sonra isə Miminin başına gələnləri bütün dünya öyrənir. Artıq hər kəs onu qadın kimi qəbul etməyə başlayır.

Taylanda qayıdanda isə karyerasının zirvəsinə çatır və ailəsini də unutmur. Mimi anasının bütün borclarını bağlayır.

Hikmət Həsənov
Ölkə.Az

ŞƏRH YAZ
0

İranda daşqınlar — 17 ölü, 68 yaralı + VİDEO

İranda daşqınlar
00:56
Bu gün
200
Dünya
A
İranın Şiraz şəhərində davam edən güclü yağışlar sel və daşqınlara səbəb olub.

“Ölkə.Az”ın “Sputnik”ə istinadən məlumatına görə, bununla bağlı İranın Fövqəladə Hallar Mərkəzinin rəhbəri Pirhüseyn Kulivand açıqlama verib.

Onun sözlərinə görə, şəhərin Qurani-Kərim qapısı küçəsində sel 200-dən çox avtomobili aparıb.

Hadisə nəticəsində 17 nəfər ölüb, 68 nəfər yaralanıb.

Kulivand qeyd edib ki, sel nəticəsində yüzlərlə ev su altında qalıb.

Bundan əlavə, bazar günü axşam saatlarından başlayan leysan yağışlar ölkənin 25 əyalətində selə səbəb olub.

Ölkə.Az

ŞƏRH YAZ
0

Trampın Qolan yüksəklikləri ilə bağlı addımına — BMT-dən cavab

Trampın Qolan yüksəklikləri ilə bağlı addımına
23:29
25.03.2019
348
Dünya
A
Qolan yüksəkliklərinin statusu dəyişməz olaraq qalıb. BMT-nin bu məsələ ilə bağlı mövqeyi BMT Təhlükəsizlik Şurasının qətnaməsində öz əksini tapıb.

“Ölkə.Az” xarici KİV-ə istinadən xəbər verir ki, bunu BMT-nin baş qərargahında keçirilən brifinq zamanı Baş katibin rəsmi nümayəndəsi Stefan Dyüjarrik ABŞ prezidenti Donald Trampın atdığı addıma münasibət bildirərkən söyləyib.

Qeyd edək ki, Suriyaya məxsus olan Qolan yüksəkliləri 1967-cü ildə İsrail tərəfindən 6 günlük müharibə vaxtı ələ keçirilib.  1981-ci ildə isə İsrail parlamenti birtərəfli olaraq Qolan yüksəkliklərinin ölkənin ərazisi elan edib. Bu anneksiya həmin ilin dekabrın 17-də BMT Təhlükəsizlik Şurası tərəfindən qəbul edilən 497-ci qətnamə ilə qanunsuz sayılıb.

Ölkə.Az

ŞƏRH YAZ
0
BAĞLA