Cəbhə bölgəsində yeni şəhərcik salınıb — VİDEO

Cəbhə bölgəsində yeni şəhərcik salınıb
23:00
12.01.2018
4039
Ölkə
A
Cəbhə bölgəsində ordumuzun nəzarətində olan ərazilər abadlaşdırılır, insanların yaşaması üçün yenidən imkanlar yaradılır.

“Ölkə.Az”xezerxeber.az”a istinadən xəbər verir ki, müasir yaşayış binaları, parklar, yeni yollar, məktəb, uşaq bağçası və digər sosial infrastrukturlar salınır.

Söhbət cəbhə bölgəsində Ağdərənin Şıxarx qəsəbəsində məcburi köçkünlər üçün salınmış yeni şəhərcikdən gedir.

Şıxarx qəsəbəsinə hələ bir əsr əvvəl 200 erməni ailəsi köçürülüb. Bundan sonra qəsəbə Marquşevan, Marağa və Marağaşen kimi adlandırılıb.

1988-ci ildə Ermənistan-Azərbaycan konflikti başladıqdan sonra bu qəsəbənin tarixi az qala yaddaşlardan silinirib. Ağdərə rayonunda gedən döyüşlərdə bir çox qəsəbə və kənd kimi Şıxarx da dağıntılara məruz qalıb. Hazırda Şıxarx qəsəbəsi döyüş bölgəsinə yaxın məsafədə yerləşdiyinə görə Azərbaycan Silahlı Qüvvələrinin nəzarəti altındadır.

Ordumuzun nəzarət etməsi minlərlə hektar sahənin istifadəsinə və yaşayış məntəqələrinin abadlaşmasına şərait yaradıb. Ermənilər tərəfindən dağıdılmış bu qəsəbəyə diqqət və qayğı artırılıb. Şıxarx abadlaşdırılıb və burada müasir şəhərcik salınıb. Yaxın günlərdə Şıxarx qəsəbəsinə məcburi köckünlərin köçürülüməsinə başlanılacaq.

Yerli sakinlər Cocuq Mərcanlıdan sonra Şıxarxa ailələrin köçürülməsini ikinci qayıdış adlandırırlar.

1170 mənzilli şəhərcikdəki binların ümumi sahəsi 88 min kvadratmetrdir. Mənzillərdən 120-si bir, 504-ü iki, 472-si üç, 80-i isə dördotaqlıdır. Şəhərcik 50 hektarlıq sahədə inşa edilib.

Ölkə.Az

ŞƏRH YAZ
0

Nazir müavini məktəb direktorları ilə görüşüb

Nazir müavini məktəb direktorları ilə görüşüb
11:23
Bu gün
130
Ölkə
A
Paytaxtın ümumi təhsil müəssisələrinin direktorları ilə görüş keçirilib.

"Ölkə.Az" xəbər verir ki, Bakı Şəhəri üzrə Təhsil İdarəsinin (BŞTİ) təşkilatçılığı ilə keçirilən görüşdə yeni dərs ilində tədrisin təşkili, təhsilin keyfiyyətinin yüksəldilməsi, məktəblərin fəaliyyətində səmərəliliyin artırılması, məktəblərdə sağlam və yaradıcı mühitin təmin olunması üçün sistemli işin aparılması və təhsil müəssisələrinin idarəetmə məsələlərindən bəhs olunub.

Tədbirdə təhsil nazirinin müavini, BŞTİ-nin müdiri vəzifələrini icra edən Məhəbbət Vəliyeva, İdarənin struktur bölmə rəhbərləri və ümumi təhsil müəssisələrinin direktorları iştirak ediblər.

M.Vəliyeva tədbir iştirakçılarını salamlayaraq, təhsil sahəsində aparılan islahatlardan, ötən dərs ilində qazanılmış uğurlardan, növbəti tədris ilində ümumi təhsil müəssisələrinin qarşısında duran əsas prioritet istiqamətlərindən danışıb.

Nazir müavini bildirib ki, ötən tədris ilində “Ümumi təhsildə keyfiyyət ili” çərçivəsində məktəblərin fəaliyyətində inkişafyönlü tədbirlər də daim diqqət mərkəzində saxlanılıb. 2018-2019-cu tədris ilində nəzərdə tutulan istiqamət və hədəflərə çatmaq üçün qarşıda duran vəzifələrə toxunan M.Vəliyeva paytaxt təhsilində əldə olunan uğurlardan və nəzərdə tutulan həlli vacib məsələlərdən danışıb.

Təhsilin bütün meyarlar üzrə müasir tələblər səviyyəsinə qaldırılmasının və təhsili idarəetmə sisteminin təkmilləşdirilməsinin əsas hədəflərdən biri olduğunu xatırladan nazir müavini məktəb direktorlarının üzərlərinə düşən məsuliyyətin düzgün dəyərləndirilməsinin vacib olduğunu vurğulayıb.

Görüşdə Təhsil nazirinin “Ümumi təhsil sahəsində 2018-2019-cu dərs ilinin prioritet fəaliyyət istiqamətləri barədə” əmrinin icrası, məktəblərin idarəetməsi, məktəbəhazırlıq qruplarının fəaliyyəti, təmayülləşmə, fənn olimpiadaları, Təlimə Dəstək Mərkəzinin fəaliyyəti, məktəblərdə psixoloji xidmət, təhsil müəssisələrinin qarşılaşdığı problemlər, müəllim-şagird və müəllim-valideyn münasibətlərinin tənzimlənməsi kimi məsələlər müzakirə olunub, məktəb direktorlarına müvafiq tövsiyə və tapşırıqlar verilib. Daha sonra təhsil müəssisələrinin rəhbərlərini maraqlandıran suallar cavablandırılıb və qaldırlan məsələlərə aydınlıq gətirilib.

ŞƏRH YAZ
0

Cinayət törətməkdə şübhəli bilinən 35 nəfər saxlanılıb

Cinayət törətməkdə şübhəli bilinən 35 nəfər saxlanılıb
11:10
Bu gün
277
Ölkə
A
Sentyabrın 18-dən 19-dək daxili işlər orqanlarında qeydə alınmış cinayət və hadisələr haqqında statistik məlumat açıqlanıb.

Daxili İşlər Nazirliyindən "Ölkə.Az"a verilən məlumata görə, respublikanın daxili işlər orqanları tərəfindən gün ərzində 98 cinayət faktı qeydə alınıb, onların da 19-u “isti izlər”lə açılıb. Əvvəlki dövrlərdən bağlı qalmış 9 cinayətin açılması təmin olunub.

Axtarışda olduğuna görə ümumilikdə 33 nəfər, o cümlədən mülki-hüquqi öhdəliklərin icrasından yayındığına görə 2 nəfər, borclu şəxs qismində axtarışda olan 19 nəfər saxlanılaraq aidiyyəti üzrə təhvil verilib.

Respublikanın avtomobil yollarında 1 yol-nəqliyyat hadisəsi baş verib, nəticədə 1 nəfər xəsarət alıb.

Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 8 fakt müəyyən edilib.

Cinayət törətməkdə şübhəli bilinən 35 nəfər saxlanılıb.

ŞƏRH YAZ
0
BAĞLA