2018-ci ilin ən varlı qadınları — SİYAHI və FOTOLAR

2018-ci ilin ən varlı qadınları
11:42
19.04.2018
3407
Dünya
A
“Forbes” jurnalının 2018-ci ilin ən varlı adamları siyahısına rekord sayda qadın adı daxil edilib.

”Ölkə.Az” xəbər verir ki, 2017-ci ildə siyahıya 227 qadın adı daxil edilmişdisə, bu il bu rəqəm 256 olub. Siyahıdakı qadınların 72-i var-dövləti miras yolu ilə yox, öz biznesləri sayəsində əldə ediblər. Siyahını oxuculara təqdim edirik:

 

Elis Uolton:
Sərvəti: 46 milyard dollar
Sərvətinin mənbəyi: “Walmart”
Vətəndaşlığı: ABŞ
Yaşı: 68
Ailə vəziyyəti: Boşanmış
“Walmart” şəbəkəsinin banisi Sem Uoltonun yeganə qızıdır. İl ərzində onun var-dövləti 12.2 milyard dollar artıb. Şirkətin səhmlərinin qiyməti 43% artıb. Şirkət e-commerce sahəsində inkişaf edir, yeni məhsullar istehsal edir, 4 geyim brendi açıb.

 

Fransuaza Bettankur-Meyer

Sərvəti: 42.2 milyard dollar
Sərvətinin mənbəyi: “L’Oreal”
Vətəndaşlığı: Fransa
Yaşı: 64
Ailə vəziyyəti: Ərdədir, 2 övladı var
Babası Ejon Şuler tərəfindən 1909-cu ildə yaradılan “L’Oreal” şirkətinin səhmlərinin 33%-inə sahibdir. “Lancome” və “Garnier” kimi markalar da bu şirkətə məxsusdur.

 

Syüzanna Klatten
Sərvəti: 25 milyard dollar
Sərvətinin mənbəyi: “BMW”, dərman biznesi
Vətəndaşlığı: Almaniya
Yaşı: 55
Ailə vəziyyəti: Ərdədir, 3 övladı var
Qardaşı Ştefan Kvandtla birlikdə “BMW” şirkəti səhmlərinin 50%-inə sahibdir. “Altana” şirkəti də ona məxsusdur. Bundan başqa “Skion Holding Group” şirkəti də Syüzannaya məxsusdur. “Nordex”, “Geohumus” və “SGL Group” şirkətlərində payı var.

 

Jaklin Mars
Sərvəti: 23.6 milyard dollar
Sərvətinin mənbəyi: “Mars İnc”
Vətəndaşlığı: ABŞ
Yaşı: 78
Ailə vəziyyəti: Boşanıb, 3 övladı var 

Dünyanın üçüncü ən böyük şirniyyat şirkətinin sahibidir. Şirkət 1911-ci ildə Jaklinin babası tərəfindən qurulub. Bu gün “M&M’s”, “Milky Way”, “Uncle Ben’s” və “Whiskas” kimi şirkətlər də ona məxsusdur. 
2001-ci ildə təqaüdə çıxıb. 2016-cı ilə qədər şirkətin direktorlar şurasının üzvü olub. Şirkətin üçdə biri isə onun qardaşına məxsusdur.

 

Yan Xueyyan
Sərvəti: 21.9 milyard dollar
Sərvətinin mənbəyi: “Country Garden Holdings”
Vətəndaşlığı: Çin
Yaşı: 36
Ailə vəziyyəti: Ərdədir

“Country Garden Holdings” şirkətinin səhmlərinin 57%-inə sahibdir. Onun kiçik bacısı da şirkətin direktorlar şurasında təmsil olunur. Şirkət Malayziya hökuməti ilə birlikdə “Forest City” layihəsini reallaşdırır. 2016-cı ildə şirkət layihəyə 100 milyard dollar qiymət qoyub.

 

Loren Pauell Cobs

Sərvəti: 18.8 milyard dollar
Sərvətinin mənbəyi: “Apple”, “Disney”
Vətəndaşlığı: ABŞ
Yaşı: 54
Ailə vəziyyəti: Dul, 3 övladı var
Əri Stiv Cobsun ölümündən sonra “Apple” və “Disney” şirkətlərinin səhmi Lorenə keçdi. Bu zaman o, “Disney” şirkətinin ən böyük səhmdarı oldu.

 

Corcina Raynhart

Sərvəti: 17.4 milyard dollar
Sərvətinin mənbəyi: “Hancock Prospecting”
Vətəndaşlığı: Avstraliya
Yaşı: 64
Ailə vəziyyəti: Dul, 4 övladı var

2017-ci ildə Avstraliyanın ən varlı adamları siyahısına liderlik edib. Şirkət ona atasından qalıb. Amma şirkət iflasın bir addımlığında idi. Raynhart bir sıra işlər görərək şirkəti dirçəldib. Bundan başqa ölkədə 23 inək ferması var.

 

Ayris Fontbona

Sərvəti: 16.3 milyard dollar
Sərvətinin mənbəyi: Dağ mədən sənayesi
Yaşı: 75
Vətəndaşlığı: Çili
Ailə vəziyyəti: Dul, 3 övladı var

Onun əri Androniko Lukşiça içki istehsalı və mədən sənayesindən pul qazanıb. 2005-ci ildə xərçəng xəstəliyindən vəfat edib. Şirkət onun arvadı və üç oğluna qalıb.

 

Ebiqeyl Conson
Sərvəti: 15.9 milyard dollar
Sərvətinin mənbəyi: Aktivlərin idarə edilməsi
Yaşı: 56
Vətəndaşlığı: ABŞ
Ailə vəziyyəti: Ərdədir, iki övladı var

1946-cı ildə Ebiqeylin babası Edvard Conson “Fidelity İnvestments” şirkətini qurub. Harvard məktəbini bitirən Ebiqeyl 1988-ci ildən şirkətdə analitik kimi işə başlayıb. 2014-cü ildən baş direktordur. 2016-cı ildə direktor şurasının sədri olub. Şirkət 2.3 trilyon dollarlıq aktivləri idarə edir.

 

Şarlin de Karvalyo-Heyneken

Sərvəti: 15.8 milyard dollar

Sərvətinin mənbəyi: “Heineken”
Yaşı: 63
Vətəndaşlığı: Niderland
Ailə vəziyyəti: Ərdədir, 5 övladı var
Şirkət 150 il əvvəl Amsterdamda açılıb. Bu gün isə bütün dünyaya 250 çeşiddə pivə satır. Səhmlərin 23%-i Ebiqeylə məxsusdur. O, səhmləri 2002-ci ildə atası Freddi Haynekendən miras kimi alıb. Əri Maykl da direktorlar şurasında təmsil olunur.

Hikmət Həsənov
Ölkə.Az

ŞƏRH YAZ
0

Dünyanın ən qəribə 5 ORDUSU — FOTOLAR

Dünyanın ən qəribə 5 ORDUSU
10:45
Bu gün
4676
Dünya
A
Ordu və əskər deyəndə ağlımıza güclü, cəsur əskərlər və ordu birləşmələri gəlir. Amma elə ordular var ki, orada qeyri adi məşqlər keçirilir.

“Ölkə.Az” bu gün oxucularına dünyanın ən qəribə və inanılmaz ordularını təqdim edir.


1.İsrailin qadın ordusu

Qadınların 21 ay məcburi hərbi xidmət keçdiyi İsraildə qadın əskərlər toqquşmalarda iştirak etməmək şərti ilə savaş bölgələrində xidmət keçir, kişilərlə eyni qərargahda təlim keçir, eyni şərtlərdə yaşayır, eyni növbəni tuturlar.

Bir çox əskər qadın isə modelə bənzəyir. Gözəlliklərini sosial şəbəkədə paylaşmaqdan çəkinməyən israilli qadın hərbçilər sosial şəbəkələrdə çox populyardırlar.


2.Tayvan

Tayvanda əskərlər çox çətin təlimlərdən keçirlər. Sərt və sivri daşların üzəri ilə əllərindən istifadə etmədən, çılpaq bədənlə sürünmək bu təlimlərdən biridir. Orduya qatılmaq üçün 9 həftəlik çətin bir təlim prosesindən keçən əskərlər bu prosesin sonunda hər bir insanın cəsarət edə bilməyəcəyi bir imtahanı da vermək məcburiyyətindədirlər. 15 metr uzunluğu olan sərt və sivri qaya parçaları döşənmiş yolda əllərindən istifadə etmədən sürünmək məcburiyyətində qalan əskərlər üçün bu çox çətin sınaqdır.


3.Kabus ordu

Dünyanın ən qəribə ordusu Kabus ordusudur. Amerika ordusunun bir parçası olan Kabus Ordusu 2-ci dünya müharibəsində yaradılıb. Alman ordusunu aktiv şəkildə yanıltmaq üçün istifadə edilən bu məxfi hərbi birlik uzun illər gizli saxlanılıb. 2000-ci illərin əvvəlində isə “Ghost Army” adı ilə tanınmağa başlanılıb. 1100 nəfərdən ibarət qeyri-adi orduda heç bir əskər olmayıb. Rəssam, memar, aktyor və səs texniklərinə qədər bir çox bacarıqlı və yaradıcı insandan ibarət ordu müharibədə qələbə qazanmaqda çox təsirli olub.

Amerika Fransaya girdikdən sonra müharibənin sonuna qədər keçən zaman ərzində Kabus Ordusu alman birləşmələrini aldatmaq üçün saxta tank, səs maşınları, saxta radio əlaqələri, sənədlər istehsal edib. Eyni zamanda mülki əhalinin arasına qarışıb amerikan generallarını təqlid edərək onları izləyən alman agentlərinin qulağına çatması üçün səhv məlumatlar veriblər.


4.San Marino Ordusu
Dünyanın ən kiçik ordusunun hansı ölkəyə məxsus olduğunu bilirdiz? İtaliya sərhədləri daxilində olan San Marino dövləti dünyanın ən kiçik ordusunun sahibidir. Məcburi hərbi xidmət olmadığı üçün 80 nəfər könüllü əskərdən ibarət San Marino ordusunun əsas vəzifələri sərhədlərdə patrul xidməti, tədbirlər, hökumət binalarının mühafizəsi, ağır cinayətkarların polisə təslim edilməsinə kömək etmək və ölkəni müdafiə etməkdir. Bu ordu ilə yanaşı San Marinoda 700 işçisi olan polis idarəsi də var.


5.Afrika ordusu

Afrika ordusunda əskərlər hərbi yürüş əvəzinə öz yerli mahnılarını oxuyub rəqs edərək təlim keçirlər. Yerli rəqs elementləri və qəbilə rəqslərini ordu ilə birləşdirən afrikalı əskərlər olduqca qeyri-adi görüntülərə səbəb olurlar. Bundan başqa təlimlərdə silahdan atəş açmaq əvəzinə öz ağızları ilə güllə səsi və partlayış səsi çıxarırlar. Bunun səbəbi isə orduda kifayət qədər hərbi sursatın olmamasıdır.

Hikmət Həsənov
Ölkə.Az

ŞƏRH YAZ
0

Nostradamusun 2019-cu il üçün ÖNCƏGÖRMƏLƏRİ ÜZƏ ÇIXDI

Nostradamusun 2019-cu il üçün ÖNCƏGÖRMƏLƏRİ ÜZƏ ÇIXDI
09:13
Bu gün
4427
Dünya
A
Ölmədən əvvəl son gecəsində “Bu mənim son gecəmdir, məni tək qoyun, səhər artıq öləcəm” deyən kahin Nostradamusun 2019-cu il üçün öncəgörmələri üzə çıxıb.

“Ölkə.Az” xəbər verir ki, Çernobil faciəsi, Hitler Almaniyası və 11 sentyabr hadisələri kimi bir çox vacib məsələni əvvəlcədən bildirən Nostradamusun gələcəyə aid öncəgörmələri diqqətlə izlənilir və tədqiq edilir.

Nostradamus XVI əsrdə 2019-cu ilin 3 dünya müharibəsi məsələsində kritik bir önəmə sahib olduğunu qeyd edib. İlk Fransada başlayacaq və dünyanın dörd bir tərəfinə yayılacaq olan müjaribə 2025-ci ilə qədər davam edəcək. 2025-ci ildə isə kiçik bir sülh şəraiti təmin ediləcək. Fransada baş verən terror hücumları bu öncəgörmənin olma ehtimalını artırır. Bundan başqa Nostradamusun kitabında Romanın süqut edəcəyi və dünyanın Dəccalın nəzarəti altına keçəcəyi də qeyd edilib.

Nostradamusa görə buzlar əriyəcək və bütün dünyanı su basacaq. Quraqlıq, aclim hakim olacaq. Əriyən sular başqa nöqtədə birləşəcək və bu da Dünyanın orbitini dəyişəcək və bir çox insan öləcək. Zəlzələlər bir-birinin ardınca gələcək. Qlobal istilər səbəbindən silahlı toqquşmalar baş verəcək, ozon təbəqəsi daha çox deşiləcək, yanğınlar və sellər şiddətlə artacaq. Okeanların diblərində baş verən vulkan püskürmələri də böyük sunamilərə səbəb olacaq.

2046-cı ilə qədər dünyada xaos və qeyri-sabitlik hökm sürəcək. Orta Şərqdə terror və ifratçılıq ən pik nöqtəsinə çatacaq. Alimlər insanların 200 il yaşamasını təmin edən yeni dərman kəşf edəcəklər. ABŞ-da çox şiddətli zəlzələ meydana gələcək.

Eramızın 79-cu ilində partlayaraq Pompey şəhərini xəritədən silən Vezuvi vulkanı yenə də partlayacaq. Nəticədə 5 dəqiqədən bir zəlzələ meydana gələcək. 6 min insan dünyasını dəyişəcək.

Nostradamusun kitabında “zənginlər ölüb ölüb diriləcək” cümləsi günümüzün tədqiqatçıları tərəfindən 3-cü dünya müharibəsindən sonra baş verəcək iqtisadi böhran kimi şərh edilir. Böhran 2019-cu ildə başlayacaq. Bunun ən böyük səbəbi isə ABŞ prezidenti Donald Tramp olacaq və böhran ABŞ-ın Rusiya və Çin ilə münasibətlərinin pisləşməsi səbəbindən baş verəcəyi qeyd edilir.

Nostradamusun ən böyük öncəgörmələrindən biri Trampın ABŞ prezidenti olacağını 400 il əvvəldən deməsidir. Yazdığı kitablarda 2019-cu ildə ABŞ olduğunu düşündüyümüz bir ölkəyə rəhbərlik edən şəxsin pis xarakteri ucbatından qeyri-müəyyənliyə sürüklənəcəyi, ölkədəki sistemin pozulacağı qeyd edilir. Bundan başqa ABŞ-a rəhbərlik edən şəxsin, yəni Trampın qiyamətə səbəb olacaq insan olduğu da kitabda yer alıb.

Hikmət Həsənov
Ölkə.Az

ŞƏRH YAZ
0
BAĞLA