2018-ci ilin ən varlı qadınları — SİYAHI və FOTOLAR

2018-ci ilin ən varlı qadınları
11:42
19.04.2018
3105
Dünya
A
“Forbes” jurnalının 2018-ci ilin ən varlı adamları siyahısına rekord sayda qadın adı daxil edilib.

”Ölkə.Az” xəbər verir ki, 2017-ci ildə siyahıya 227 qadın adı daxil edilmişdisə, bu il bu rəqəm 256 olub. Siyahıdakı qadınların 72-i var-dövləti miras yolu ilə yox, öz biznesləri sayəsində əldə ediblər. Siyahını oxuculara təqdim edirik:

 

Elis Uolton:
Sərvəti: 46 milyard dollar
Sərvətinin mənbəyi: “Walmart”
Vətəndaşlığı: ABŞ
Yaşı: 68
Ailə vəziyyəti: Boşanmış
“Walmart” şəbəkəsinin banisi Sem Uoltonun yeganə qızıdır. İl ərzində onun var-dövləti 12.2 milyard dollar artıb. Şirkətin səhmlərinin qiyməti 43% artıb. Şirkət e-commerce sahəsində inkişaf edir, yeni məhsullar istehsal edir, 4 geyim brendi açıb.

 

Fransuaza Bettankur-Meyer

Sərvəti: 42.2 milyard dollar
Sərvətinin mənbəyi: “L’Oreal”
Vətəndaşlığı: Fransa
Yaşı: 64
Ailə vəziyyəti: Ərdədir, 2 övladı var
Babası Ejon Şuler tərəfindən 1909-cu ildə yaradılan “L’Oreal” şirkətinin səhmlərinin 33%-inə sahibdir. “Lancome” və “Garnier” kimi markalar da bu şirkətə məxsusdur.

 

Syüzanna Klatten
Sərvəti: 25 milyard dollar
Sərvətinin mənbəyi: “BMW”, dərman biznesi
Vətəndaşlığı: Almaniya
Yaşı: 55
Ailə vəziyyəti: Ərdədir, 3 övladı var
Qardaşı Ştefan Kvandtla birlikdə “BMW” şirkəti səhmlərinin 50%-inə sahibdir. “Altana” şirkəti də ona məxsusdur. Bundan başqa “Skion Holding Group” şirkəti də Syüzannaya məxsusdur. “Nordex”, “Geohumus” və “SGL Group” şirkətlərində payı var.

 

Jaklin Mars
Sərvəti: 23.6 milyard dollar
Sərvətinin mənbəyi: “Mars İnc”
Vətəndaşlığı: ABŞ
Yaşı: 78
Ailə vəziyyəti: Boşanıb, 3 övladı var 

Dünyanın üçüncü ən böyük şirniyyat şirkətinin sahibidir. Şirkət 1911-ci ildə Jaklinin babası tərəfindən qurulub. Bu gün “M&M’s”, “Milky Way”, “Uncle Ben’s” və “Whiskas” kimi şirkətlər də ona məxsusdur. 
2001-ci ildə təqaüdə çıxıb. 2016-cı ilə qədər şirkətin direktorlar şurasının üzvü olub. Şirkətin üçdə biri isə onun qardaşına məxsusdur.

 

Yan Xueyyan
Sərvəti: 21.9 milyard dollar
Sərvətinin mənbəyi: “Country Garden Holdings”
Vətəndaşlığı: Çin
Yaşı: 36
Ailə vəziyyəti: Ərdədir

“Country Garden Holdings” şirkətinin səhmlərinin 57%-inə sahibdir. Onun kiçik bacısı da şirkətin direktorlar şurasında təmsil olunur. Şirkət Malayziya hökuməti ilə birlikdə “Forest City” layihəsini reallaşdırır. 2016-cı ildə şirkət layihəyə 100 milyard dollar qiymət qoyub.

 

Loren Pauell Cobs

Sərvəti: 18.8 milyard dollar
Sərvətinin mənbəyi: “Apple”, “Disney”
Vətəndaşlığı: ABŞ
Yaşı: 54
Ailə vəziyyəti: Dul, 3 övladı var
Əri Stiv Cobsun ölümündən sonra “Apple” və “Disney” şirkətlərinin səhmi Lorenə keçdi. Bu zaman o, “Disney” şirkətinin ən böyük səhmdarı oldu.

 

Corcina Raynhart

Sərvəti: 17.4 milyard dollar
Sərvətinin mənbəyi: “Hancock Prospecting”
Vətəndaşlığı: Avstraliya
Yaşı: 64
Ailə vəziyyəti: Dul, 4 övladı var

2017-ci ildə Avstraliyanın ən varlı adamları siyahısına liderlik edib. Şirkət ona atasından qalıb. Amma şirkət iflasın bir addımlığında idi. Raynhart bir sıra işlər görərək şirkəti dirçəldib. Bundan başqa ölkədə 23 inək ferması var.

 

Ayris Fontbona

Sərvəti: 16.3 milyard dollar
Sərvətinin mənbəyi: Dağ mədən sənayesi
Yaşı: 75
Vətəndaşlığı: Çili
Ailə vəziyyəti: Dul, 3 övladı var

Onun əri Androniko Lukşiça içki istehsalı və mədən sənayesindən pul qazanıb. 2005-ci ildə xərçəng xəstəliyindən vəfat edib. Şirkət onun arvadı və üç oğluna qalıb.

 

Ebiqeyl Conson
Sərvəti: 15.9 milyard dollar
Sərvətinin mənbəyi: Aktivlərin idarə edilməsi
Yaşı: 56
Vətəndaşlığı: ABŞ
Ailə vəziyyəti: Ərdədir, iki övladı var

1946-cı ildə Ebiqeylin babası Edvard Conson “Fidelity İnvestments” şirkətini qurub. Harvard məktəbini bitirən Ebiqeyl 1988-ci ildən şirkətdə analitik kimi işə başlayıb. 2014-cü ildən baş direktordur. 2016-cı ildə direktor şurasının sədri olub. Şirkət 2.3 trilyon dollarlıq aktivləri idarə edir.

 

Şarlin de Karvalyo-Heyneken

Sərvəti: 15.8 milyard dollar

Sərvətinin mənbəyi: “Heineken”
Yaşı: 63
Vətəndaşlığı: Niderland
Ailə vəziyyəti: Ərdədir, 5 övladı var
Şirkət 150 il əvvəl Amsterdamda açılıb. Bu gün isə bütün dünyaya 250 çeşiddə pivə satır. Səhmlərin 23%-i Ebiqeylə məxsusdur. O, səhmləri 2002-ci ildə atası Freddi Haynekendən miras kimi alıb. Əri Maykl da direktorlar şurasında təmsil olunur.

Hikmət Həsənov
Ölkə.Az

ŞƏRH YAZ
0

Putinlə Netanyahu arasında "İL-20" ilə bağlı telefon danışığı — Təyyarə niyə vurulub?

Putinlə Netanyahu arasında
00:35
Bu gün
484
Dünya
A
İsrailin baş naziri Benyamin Netanyahu ilə Rusiya prezidenti Vladimir Putin arasında telefon danışığı olub.

“Ölkə.Az” Rusiya mətbuatına istinadən xəbər verir ki, danışıq mövzusu Suriyada Rusiyaya məxsus kəşfiyyatçı təyyarəsi İL-20-nin vurulması olub. 

Məlumata görə, Netanyahu Suriyada təhlükəsizlik məqsədilə hərbi əməliyyatlar zamanı koordinasiyanın vacibliyindən danışıb.

Baş nazir Putinə İsrailin hadisənin araşdırılması üçün zəruri məlumatları qarşı tərəfə təqdim etməyə hazır olduğunu deyib.

Putin Netanyahu ilə telefon söhbəti zamanı hadisənin təhlükəli insidentlərin qarşısının alınmasına dair Rusiya-İsrail anlaşmalarına riayət olunmaması üzündən baş verdiyini bildirib. 

Rusiya prezidenti İsrail tərəfini gələcəkdə bu cür hallara yol verməməyə çağırıb. 

Ölkə.Az

ŞƏRH YAZ
0

Çindən ticarət müharibəsində ABŞ-a cavab zərbə

Çindən ticarət müharibəsində ABŞ-a cavab zərbə
20:30
18.09.2018
1492
Dünya
A
Çin sentyabrın 24-dən ABŞ mallarına gömrük rüsumlarını artıracaq.

"Ölkә.Az" TASS-a istinadən xəbər verir ki, bu barədə Çin Dövlət Şurasının tarif komitəsinin yaydığı məlumatda deyilir. 

Ümumi dəyəri 60 milyard dollar olan mallara gömrük rüsumları 5 və 10 faiz artırılacaq.

Qeyd edək ki, ABŞ prezidenti Donald Tramp ölkəsinin Çin mallarına yeni rüsumlar tətbiq etdiyini açıqlayıb. Tramp Çin lideri Si Tzinpinə hörmət etdiyini, lakin ABŞ-ın daha Çinə qarşı köhnə ticarət siyasəti yürüdə bilməyəcəyini bildirib. 

Ölkә.Az

ŞƏRH YAZ
0
BAĞLA