Çindən Hindistana çox sərt xəbərdarlıq
Çinin müdafiə nazirinin mətbuat katibi Vu Çien yeni açıqlama verib.
"Ölkə.Az" xəbər verir ki, çinli dövlət rəsmisi Hindistanı sərhəd pozuntularını dayandırmağa çağırıb. Çin ordusu isə Hindistan sərhədində təlimləri artıracaq.
Vu təmsil etdiyi ölkənin ərazi bütünlüyü və milli suverenliyini qorumaq üçün hərbi gücünü getdikcə artırdığını bildirib: "Bir dağı titrətmək asandır, amma Çin Xalq Qurtuluş Ordusunu titrətmək çətin olar".
Mətbuat katibi iki ölkə arasındakı sərhəd təhlükəsizliyini təmin etmək üçün təxribatlara son verilməsinin lazım olduğunu bildirib.
Qeyd edək ki, Çin və Hindistan arasında 3.500 km-lik sərhəd xətti var.
Hikmət Həsənov
Ölkə.Az
