Deputat: “Vətəndaş kimi üzərimizə düşən missiyanı yerinə yetirməklə koronavirusa qalib gələ bilərik”

Bunu “Ölkə.Az”a açıqlamasında millət vəkili Anar Məmmədov deyib.
Onun sözlərinə görə,  virus dünyada sürətlə yayılmaqda davam etdiyindən vəziyyət ən pis ssenari üzrə inkişaf etməkdədir. “Çünki tibbi ən inkişaf etmiş ölkələr belə bu bəlanı qarşılayacaq gücdə deyil. Bu ağır durum səhlənkarlığın nəticəsində  geniş yayılıb. İnsanların koronavirusu ciddiyə almaması və dövlətin qoyduğu qadağalara əməl etməməsi bu çətin vəziyyətin yaranmasına səbəb olub”- deputat bildirib.
O əlavə edib ki,vəziyyət  elə həddə gəlib çatıb ki, tibbin inkişaf etdiyi ölkələr virusa yoluxmuş xəstələrin müalicəsində çətinlik çəkirlər və bunun qarşısını ala bilmirlər: “Vəziyyətin belə bir mərhələyə gəlib çatmasına insanların  məsuliyyətsizliyi, məsələyə vaxtında ciddi yanaşmaması səbəb olub”.
Deputat vurğulayıb ki, Azərbaycan dövləti ölkəmizdə bu cür vəziyyətin yaranmaması üçün bütün imkanlarını səfərbər edib, lakin bu tədbirlərin səmərəli olması üçün cəmiyyətimizin də üzərinə böyük məsuliyyət düşür:
"Azərbaycan dövləti əhalinin sağlamlığının qorunmasını xüsusi diqqət mərkəzində saxlayır. Bu gün dövlətin bütün müvafiq strukturları koronavirus infeksiyası ilə mübarizəyə səfərbər olunub. Bu istiqamətdə görülən bütün işlər məhz insanların sağlamlığının qorunmasına, bu təhlükəli xəstəliyin qarşısının alınmasına yönəlib. Azərbaycan Prezidenti İlham Əliyev və Birinci vitse-prezident Mehriban xanım Əliyeva  hər zaman olduğu kimi koronavirus pandemiyası zamanı təkcə  bir ölkə rəhbəri kimi üzərlərinə düşən missiyanı, xalqımızın uzaqgörən lideləri kimi mövqelərini layiqincə yetirmələri ilə yanaşı,  bir vətəndaş kimi də cəmiyyətə nümunə oldular.  Koronavirus  pandemiyasının geniş vüsət almması üçün ən zəruri addımları atıblar və atmaqdadırlar. Ancaq  ölkə rəhbərliyi tərəfindən addımlara vətəndaşlarımızın təhlükəsizliyinə və sağlamalığına yönəlib. Bu bir daha  vətəndaşların təhlükəsizliyi və sağlamlığı ölkə rəhbərliyinin yürütdüyü siyasətin prioritetini təşkil edir.   
Lakin nəzərə almaq lazımdır ki, görülən tədbirlər insanlarımızın qoyulan qaydalara ciddi riayət etməsi ilə müsbət nəticə verə bilər. Vətəndaşlarımız hər şeydən öncə özlərinin və yaxınlarının sağlamlığını düşünməlidir. Çünki indiki şəraitdə özümüzü təcrid etmək və ciddi karantin rejiminin tələblərinə ciddi əməl etməklə  bu virusa qarşı  səmərəli mübarizə apara bilərik. Ona görə də zəruri ehtiyac olmadan insanlar evlərindən çıxmamalıdır. Əks halda, insanların hər hansı məsuliyyətsiz hərəkəti daha pis  fəsadlara gətirib çıxara bilər. Xoşagəlməz halların qarşısını almaq üçün qaydalara riayət etməliyik. Azərbaycan Prezidenti  İlham Əliyev və Birinci vitse-prezident Mehriban xanım Əliyevanın dediyi kimi biz  birlikdə, həmrəy olunb, qaydalara riayət etməklə  bu virusa qalib gələcəyik. O baxımdan  həmrəy olub  vətəndaş kimi üzərimizə düşən məsuliyyətimizi dərk edib, yerinə yetirməklə  koronavirus pandemiyasına qalib gələ bilərik”- deputat bildirib.

Mürtəza
Ölkə.Az