Dolların ucuzlaşması davam edir

Dolların ucuzlaşması davam edir
17:44
17.03.2017
104
İqtisadiyyat
A
Azərbaycan Mərkəzi Bankı (AMB) martın 27-nə olan USD/AZN rəsmi məzənnəsini açıqlayıb.

AMB-dən "Ölkə.Az"a verilən məlumata görə, USD/AZN rəsmi məzənnəsi 1,7201 səviyyəsində müəyyən olunub. Qeyd edək ki, bu gün üçün dolların rəsmi məzənnəsi 1,7202 manat səviyyəsində olub.

Maraqlıdır ki, bu gün Mərkəzi Bank tərəfindən valyuta hərracı keçirilməyib. Manatın orta çəkili məzənnəsi məhz valyuta hərraclarında müəyyənləşir. Valyuta hərracları həftənin çərşənbə axşamı və cümə axşamı keçirilir. Digər günlərdə rəsmi məzənnə dəyişməz qalır.

AMB ucuzlaşmanın səbəbini açıqlamayıb.

Ölkə.Az

ŞƏRH YAZ
0

Serbiya prezidenti Azərbaycan iş adamlarına çağırış etdi

Serbiya prezidenti Azərbaycan iş adamlarına çağırış etdi
14:04
Bu gün
1769
İqtisadiyyat
A
"Azərbaycanla Serbiya arasında iqtisadi əlaqələr qənaətbəxş deyil".

"Ölkə.Az" "APA-Economics"ə istinadən xəbər verir ki, bunu Serbiya prezidenti Aleksandr Vuçiç Azərbaycan-Serbiya işgüzar forumunda çıxışı zamanı bildirib.

A.Vuçiçin sözlərinə görə, iki ölkə arasında iqtisadi əlaqələr siyasi münasibətlər kimi daha yüksək səviyyədə olmalıdır.

"Bunu şərtləndirən bir çox amillər var. Dünən Azərbaycanla Serbiya arasında strateji əməkdaşlıqla bağlı bir neçə sahədə müqavilə imzalandı. Ümid edirəm bu, bizim ölkələr arasında qarşılıqlı münasibətlərin inkişafına töhfə verəcək",- deyə A.Vuçiç qeyd edib.

Son 3 il ərzində Serbiyanın büdcəsinin profisitlə icra olunduğunu vurğulayan prezident bu il ölkə vətəndaşlarının əmək haqlarının artırıldığını da qeyd edib.

Serbiya prezidenti Azərbaycan iş adamlarını ölkəsinə investisiya qoymağa çağırıb və ölkəsinə investisiya yatıran sərmayədarlara ayrıca güzəştlər ediləcəyini vurğulayıb.

"Serbiyada istənilən sahəyə investisiya yatıra bilərsiniz. İnvestisiyanın həcminə görə, investorlara 15-20% güzəşt ediləcək.  Azərbaycanlı iş adamlarını daşınmaz əmlak, otel biznesi və s. investisiya qoymağa çağırıram. Sərmayədarlara dövlət tərəfindən vergi güzəştləri ediləcək, subsidiyalar veriləcək",- deyə Serbiya prezidenti əlavə edib.

ŞƏRH YAZ
0

Bugünkü valyuta hərracının nəticəsi açıqlandı

Bugünkü valyuta hərracının nəticəsi açıqlandı
13:12
Bu gün
1584
İqtisadiyyat
A
Bu gün Azərbaycan Mərkəzi Bankında (AMB) Dövlət Neft Fondunun da iştirakı ilə hərrac keçirilib.

AMB-dən "Ölkə.Az"a verilən məlumata görə, hərracda manatın ortaçəkili məzənnəsi 1,7000 səviyyəsində formalaşıb.

Qeyd edək ki, AMB bu gün üçün USD/AZN rəsmi məzənnəsini 1,7000 səviyyəsində müəyyən edib.

ŞƏRH YAZ
0
BAĞLA