Dünyanın ən böyük və ən qədim maşın qəbirstanlığı — FOTOLAR

Dünyanın ən böyük və ən qədim maşın qəbirstanlığı
18:02
12.01.2019
6253
Dünya
A
ABŞ-ın Atlanta şəhərindən 50 mil məsafədə meşə sahəsi yerləşir.

“Ölkə.Az” xəbər verir ki, meşə köhnə maşınlarla doludur. Meşənin girişində “Dünyanın ən qədim maşın qəbirstanlığı, 80 il” yazılı lövhə var.

Hazırda qəbirstanlıqda 4 mindən çox klassik avtomobil var. Onların böyük əksəriyyəti 1972 və daha əvvəlki illərdə istehsal edilib. Burada “Ford”, “Cadillac” və hətta 1941-ci ildə istehsal edilən, nadir tapılan “Mack” yük maşını da var.

Qəbirstanlığın tarixi 1931-ci ildən başlayır. Lyuis ailəsi Uayt şəhərciyində univermaq açdı. Onlar univermaqda avtomobil ehtiyat hissəsindən tutmuş paltara qədər müxtəlif şeylər satırdılar. ABŞ ikinci dünya müharibəsinə qoşulanda polad və təkər resursları azaldı və Lyuislər bizneslərinə zibilxananı da əlavə etdilər. Onlar köhnə maşınları alır, ehtiyat hissələrinə ayıraraq satırdılar.

1940-cı illərin sonunda univermaq yararsız avtomobillərin sökülmə məntəqəsinə çevrildi. Bu dövrdə isə qəbirstanlığın indiki sahibi Din Lyuis anadan oldu. Din uşaqlıq dövrünü maşınlarla oynamaqla keçirib. 1970-ci ildə ailə biznesi Dinin ixtiyarına keçdi. O, qərara gəldi ki, avtomobilləri təkcə söküb satmaq yox, eyni zamanda saxlamaq da lazımdır.

Bir neçə 10 illik ərzində Din müxtəlif köhnə və xarab avtomobillərin alınmasına minlərlə dollar xərclədi. Lyuisin ən populyar avtomobili 1940-cı il istehsalı olan “Ford”dur. Bu maşın 1983-cü ildə lentə alınan “Kouet dairəsində qətl” filminə çəkilib.

Qəbirstanlıq böyüdüyü üçün Din əlavə ərazi də almaq məcburiyyətində qaldı.

Hazırda qəbirstanlığı hər il yüzlərlə turist ziyarət edir. Giriş pulu 15 dollar, foto çəkdirmək isə 10 dollardır. Artıq Din ehtiyyat hissələri satmır.

Hikmət Həsənov
Ölkə.Az

ŞƏRH YAZ
0

Gənc qız sevgilisi ilə öpüşəndən dərhal sonra öldü — ƏCAİB SƏBƏB

Gənc qız sevgilisi ilə öpüşəndən dərhal sonra öldü
02:00
Bu gün
398
Dünya
A
Kanadada 20 yaşlı qız öz cavan sevgilisi ilə öpüşdükdən dərhal sonra ölüb.

"Ölkə.Az" bildirir ki, ölümə səbəb qızda yerfındığına (araxis) qarşı kəskin allergik reaksiyanın olmasıdır.

Məlum olub ki, cavan oğlan öpüşməzdən əvvəl yerfındığı yağı ilə bişirilmiş sendviç yeyib. 

Öpüşdən sonra qız çətin nəfəs almağa başlayıb, nəticədə keçinib.

Oğlan təcili yardım çağırsa da, həkimlər qızı xilas edə bilməyiblər.

Əcaib ölümə səbəb olan gənc ifadəsində qızın yerfındığına qarşı allergiyasının olmasından xəbərsiz olduğunu bildrib.

Ölkə.Az

ŞƏRH YAZ
0

Almaniya bu il Misir və BƏƏ-yə 1 milyard avroluq silah satıb

Almaniya bu il Misir və BƏƏ-yə 1 milyard avroluq silah satıb
23:09
16.06.2019
946
Dünya
A
Almaniya Yaxın Şərq və Şimali Afrika ölkələrinə silah satışını fəal davam etdirir.

“Ölkə.Az” trend-ə istinadən xəbər verir ki, 2019-cu il yanvarın 1-dən Almaniya Misir və Birləşmiş Ərəb Əmirlikləri ilə 56 müqavilə imzalayıb.

Bildirilir ki, Misir Almaniyadan bu müddət ərzində 801,8 milyon avro, Birləşmiş Ərəb Əmirlikləri isə 206,1 milyon avro dəyərində silah alıblar.

Ölkə.Az

ŞƏRH YAZ
0
BAĞLA