Ekspertlər gündəlik həyatda duzdan istifadənin 12 gözlənilməz üsulunu açıqladı

Duz demək olar ki, hər mətbəxdə olan vacib məhsuldur və yeməklərə dad qatmaq üçün istifadə edilir. Dəniz duzu, xörək duzu və ya müxtəlif ətirli variantları ilə bu mineral kulinariyada əsas rol oynayır.

Ölkə.az "Southern Living”ə istinadən xəbər verir ki, duzun mətbəxdən kənarda da geniş istifadə imkanları var.

Şamdanların təmizlənməsi

"Su ilə isladılmış və duza batırılmış parça şüşə şamdanlardakı hisi asanlıqla təmizləyir”, deyə "Bear Brothers Cleaning” şirkətinin rəhbəri Forrest Vebber bildirib.

Əllərin təmizlənməsi və qoxunun çıxarılması

"Xüsusilə soğan doğrayanda əllərimdə qalan qoxu məni narahat edir. Mən əllərimi təxminən 2 xörək qaşığı duzla ovuram, 30 saniyə saxlayıram və sonra yuyuram – qoxu dərhal yox olur”, deyə ekspert Reyçel Kirk bildirib.

Zərərvericilərə qarşı vasitə

"Valideynlərimdən öyrənmişəm ki, duz qarışqaları uzaqlaşdırır. Evlərin girişinə və pəncərə kənarlarına nazik duz xətti çəkirəm”, deyə "EMPAVA Appliances"dən Sofia Van bildirib.

Paslanmayan poladın təmizlənməsi

"Duz tavalar üzərindəki yanıq ləkələrini yaxşı təmizləyir. Sadəcə ləkəni isladın, üzərinə duz səpin və bir müddət saxlayın”, deyə "Cafely"dən Mimi Nquyen bildirib.

Alaq otlarına qarşı vasitə

"Bir stəkan duzu 3,5 litr su ilə qarışdırıb püskürdərək alaq otlarını məhv etmək olar. Daha güclü effekt üçün sabun və ya sirkə də əlavə edilir”, deyə "Lawn Love" şirkətinin rəhbəri Stiv Korkoran bildirib.

Ləkələrin təmizlənməsi

"Şərab və ya şampan ləkələrinə duz səpmək mayeni sorur və ləkənin qalıcı olmasının qarşısını alır”, deyə "Super Cleaning Service Louisville"dən Elizabeth Şilds bildirib.

Açıq hava mebellərinin təmizlənməsi

"Duz pası təmizləməkdə kömək edir. Su və tartar ilə qarışdırılıb metal səthlərə tətbiq oluna bilər”, deyı "Cabana" şirkətindən Ceremi Yamaquci qeyd edib.

Zibil qoxusunun aradan qaldırılması

"Duz və soda qarışığı zibil qutularındakı qoxunu azaldır”, deyə "Our Oily House"dan Laura Aşer bildirib.

Taxta səthlərin təmizlənməsi

"Duz taxta lövhələrdəki ləkələri çıxarmaqda effektivdir. Su və ya zeytun yağı ilə qarışdırılıb istifadə edilə bilər”, deyə "Improovy" şirkətinin rəhbəri Kar Linfir qeyd edib.

Qabların ilkin təmizlənməsi

"Şərab ləkələrini duz pastası ilə asanlıqla təmizləmək olur”, deyə Kirk bildirib.

Manqal barmaqlıqlarının təmizlənməsi

"Limon suyu və duzu qarışdırıb ızgaralara sürtün, sonra fırçalayın”, deyə Şilds tövsiyə edib.

Hamamın təmizlənməsi

"Duz və yuyucu vasitə qarışığı səthləri cızmadan təmizləyir”, deyə Forrest Vebber əlavə edib.(qaynarinfo)