Dünyanın ən varlı qadını vəfat etdi

Dünyanın ən varlı qadını vəfat etdi
10:17
22.09.2017
82
Dünya
A
Fransız iş qadını və dünyanın məşhur kosmetika şirkətinin sahibi Lilian Betankur vəfat edib.

"Ölkə.Az" xəbər verir ki, Lilianın qızı Fransuaza Betankur bu barədə məlumat verib. Dünyanın ən varlı qadını Parisdə vəfat edib. Betankurun 94 yaşı var idi.

"Forbes" jurnalı tərəfindən dünyanın ən varlı 14-cü adamı seçilən Lilian 33 milyard avroluq sərvəti ilə dünyanın ən zəngin qadını ünvanına da sahib idi.

1922-ci ildə anadan olan Betankur 14 yaşında iş həyatına atılıb. Uzun illər ailəsinin kosmetika şirkətində katibə olub. 1957-ci ildə atası vəfat etdikdən sonra "L'Oreal" şirkətinin sahibi olub. Onun əri Andre Betankur bir müddət Fransa hökumətinin naziri olub.

Hikmət Həsənov
Ölkə.Az

ŞƏRH YAZ
0

Rusiya və Misir müntəzəm təyyarə uçuşlarını bərpa edib

Rusiya və Misir müntəzəm təyyarə uçuşlarını bərpa edib
00:27
Bu gün
138
Dünya
A
Rusiya və Misir müntəzəm təyyarə uçuşlarını bərpa edib.

“Ölkə.Az” xəbər verir ki, bu barədə Rusiya Nəqliyyat Nazirliyi məlumat yayıb. Verilən məlumata görə, iki ölkə arasında əlaqələri bərpa etmək üçün bu addım atılıb.

“İki il bundan əvvəl Sinay üzərindəki Rusiya təyyarəsinin qəzaya uğramasından sonra iki ölkə əlaqəsi kəsilib. Lakin bu gün iki ölkə əlaqələri düzəltmək üçün təyyarə uçuşlarını bərpa edib”, - deyə məlumatda bildirilib.

Qeyd edək ki, dekabrın 25-də, 2016-cı ilin sonuna bir həftə qalmış Rusiya Müdafiə Nazirliyinə məxsus “Tu-154” təyyarəsinin qəzaya uğraması nəticəsində 92 nəfər həyatını itirib. Rusiyanın Soçi şəhərindən Suriyaya uçan “Tu-154” təyyarəsi Qara dənizdə sahildən 6 kilometr aralıda qəzaya uğrayıb. Təyyarədə 8 ekipaj üzvü, Rusiya telekanallarının 9 əməkdaşı, Rusiya Müdafiə Nazirliyinin “Aleksandrov” adlı mahnı-rəqs ansamblının 64 üzvü, 8 hərbçi, federal hökumətin 2 məmuru, "Ədalətli yardım" Xeyriyyə Fondunun rəhbəri Yelizaveta Qlinka olub. Rusiya İstintaq Komitəsi baş vermiş təyyarə qəzası ilə bağlı cinayət işi başlayıb. Bu vaxta qədər dənizdən 12 meyit çıxarılıb.

Xatırladaq ki, həmin tarixdə Misirin Şarm əl-Şeyx şəhərindən Rusiyanın Sankt-Peterburq şəhərinə uçan “Metrojet” (keçmiş adı “Koqalımavia”) aviaşirkətinə məxsus “Airbus A-321” sərnişin təyyarəsi Sinay yarımadasının şimal-şərqində qəzaya uğramışdı. Təyyarənin göyərtəsində 7-si ekipaj üzvü olmaqla, 224 nəfər olub, onlardan 17-si uşaq idi. “Koqalımavia” aviaşirkətinə məxsus “A-321” təyyarəsi ilk uçuşunu 18 il bundan əvvəl – 1997-ci il mayın 9-da həyata keçirib. Əvvəlcə Livanın MEA, Türkiyənin "Onur Air” və Səudiyyə Ərəbistanının “Saudi Arabian Airlines” aviaşirkətləri tərəfindən istismar olunan təyyarə 2012-ci ilin aprel ayında “Koqalımavia” şirkətinin balansına keçib.

Ziya Səccad
Ölkə.Az

ŞƏRH YAZ
0

“Biz, Türk milləti olaraq hələ dünyaya öz sözümüzü deməmişik” — Ərdoğandan sərt sözlər

“Biz, Türk milləti olaraq hələ dünyaya öz sözümüzü deməmişik”
23:40
15.12.2017
406
Dünya
A
“Biz bölgədə, ümumiyyətlə dünyada həmişə öz azad siyasətimizi yürütmüşük və bundan sonra da azad olacağıq. Biz onun bunun dediklərinə yox, Allahın buyurduqlarına əməl etdik. Biz həmişə xalqı düşünmüşük”.

“Ölkə.Az” xəbər verir ki, bu barədə Türkiyə prezidenti Rəcəb Tayyib Ərdoğan İstanbulda çıxış edərkən bildirib. Onun sözlərinə görə, ölkənin suverenliyi qorunacaq.

“Biz, Türk milləti olaraq hələ dünyaya öz sözümüzü deməmişik”, - deyə Ərdoğan bildirib.

Bundan başqa, Ərdoğan bildirib ki, Qüdsün itirilməsi Mədinə ilə Məkkənin itirilməsinə gətirib çıxara bilər: “Qüdsü itirsək, Mədinəni də qoruya bilməyəcəyik. Mədinə getsə, Məkkə və Kəbəni də itirəcəyik. Bizə daim hücum edilir, çünki biz qüdrətli Türkiyə qururuq”.

Ziya Səccad
Ölkə.Az

ŞƏRH YAZ
0
BAĞLA