İdxal edilən uçuş aparatları vergidən azad olunur

"Ölkə.Az" “Report”- a istinadən xəbər verir ki, bununla bağlı Vergilər Məcəlləsinə dəyişiklik bu gün Milli Məclisin plenar iclasında müzakirə olunaraq təsdiq edilib.

Belə ki, Məcəllənin 164-cü (vergi ödəməkdən azad edilmə) maddəsinə yeni bənd - 164.1.38-ci bəndi əlavə edilir. Bu bənd mülki aviasiya məqsədləri üçün idxal edilən uçuş aparatları, onların ehtiyat hissələri, mühərrikləri və güc qurğularının vergidən azad olunmasını nəzərdə tutur.