Əfqanıstanda kamikadze-terrorçu dəhşəti
Əfqanıstanın cənubunda növbəti terror aktı törədilib.
"Ölkə.Az" xəbər verir ki, kamikadze-terrorçunun üzərindəki bombanı işə salması nəticəsində 30-a yaxın insan həlak olub və xəsarət alıb. Həlak olan və yaralananların dəqiq sayı bilinmir. Hazırda ərazidə iş gedir.
Məlumdur ki, ölənlər arasında təhlükəsizlik xidmətinin əməkdaşları və sadə vətəndaşlar var.
"Frans Press" agentliyinin xəbərinə əsasən hücum nəticəsində 5 nəfər həlak olub, 25 nəfər isə xəsarət alıb. Xəsarət alanlar arasında azyaşlı uşaqlar və qadınlar var.
İnsident Gilmend vilayətinin Laşkarqax şəhərində baş verib. Kamikadze-terrorçu polis idarəsi yaxınlığında minalanmış avtomobili partladıb. Onun hədəfi hərbi konvoy olub. Taliban hücuma görə məsuliyyəti öz boynuna götürüb.
Hikmət Həsənov
Ölkə.Az
