Ekologiya və Təbii Sərvətlər Nazirliyində YENİ TƏYİNAT

Ekologiya və Təbii Sərvətlər Nazirliyində YENİ TƏYİNAT
13:11
10.12.2018
3348
Ölkə
A
Ekologiya və Təbii Sərvətlər Nazirliyində yeni kadr təyinatı olub.

"Ölkə.Az" xəbər verir ki, ekologiya və təbii sərvətlər nazirinin 10 dekabr 2018-ci il tarixli əmri ilə Ekoloji Maarifləndirmə və İctimaiyyətlə Əlaqələr şöbəsinin müdiri Umayra Tağıyeva vəzifəsindən azad olunaraq nazirliyin Milli Hidrometeorologiya Departamentinin direktoru vəzifəsinə təyin olunub.

Bu gün Umayra Tağıyeva Departamentin kollektivinə təqdim edilib.

Ölkə.Az

ŞƏRH YAZ
0

Avtomobili sığorta olunan şəxsə 3 dəfə cərimə yazıldı

Avtomobili sığorta olunan şəxsə 3 dəfə cərimə yazıldı
23:36
20.01.2019
4716
Ölkə
A
Avtomobili icbari sığorta olunan şəxsə 3 dəfə cərimə yazılıb. Hadisə paytaxt sakini Canbaxış Nəcəfovun başına gəlib.

"Ölkə.AZ" xezerxeber.az-a istinadən bildirir ki, o, ötən ilin oktyabr ayının 25-də dövlət qeydiyyat ''90-VS-037'' olan avtomobilini növbəti 1 il üçün icbari sığorta etdirib. Buna baxmayaraq, onun avtomobilinə noyabr ayının 4-də, dekabr ayının 7-də və bu ilin yanvar ayının 2-də sığorta olunmadığına görə cərimə protokolları tərtib edilib.

Bundan sonra avtomobil sahibi məsələnin araşdırılması üçün aidiyyatı qurumlara ərizə ilə müraciət edib.

Məsələ ilə bağlı, avtomobilin sığorta olunduğu şirkətlə əlaqə saxladıq. Şirkətin nümayəndəsi bildirdi ki, avtomobilin sığortasının qüvvəyə minməməsinin səbəbi sistemdə yaranan texniki problem olub. Buna görə də, avtomobilə cərimə protokolu tərtib edilib. Bu gündən həmin müqavilə qüvvəyə minib. Həmçinin o da bildirildi ki, sığorta şirkət tərəfindən sürücüyə yazılan həmin cərimələr də bu gün ödəniləcək.

Ölkə.Az

ŞƏRH YAZ
0

Sərnişinlər hansı dayanacaqda dayansın? — Dayanacaq çaşqınlığı

Sərnişinlər hansı dayanacaqda dayansın?
23:18
20.01.2019
3349
Ölkə
A
Paytaxtın Yasamal rayonunda aralarında cəmi 30 metr məsafə olan iki avtobus dayanacağı qoyulub. Bu hal isə sərnişinlərin və sürücülərin çaşqınlığına səbəb olur. Onlar hansı dayancaqda dayanmalı olduqlarını bilmirlər. Aidiyatı qurum isə əslində orada bir dayanacağın olduğunu yalnız iki pavilyonun qoyulduğunu bildirir.

"Ölkə.Az" xezerxeber.az-a istinadən bildirir ki, eyni yolda, eyni istiqamətdə olan avtobus dayancaqlarının arasında cəmi 30 metr məsafə var. Sərnişinlər və avtobus sürücüləri isə harda dayanacaqlarını bilmirlər.

Görüntülər paytaxtın Yasamal rayonu Şərifzadə küçəsinindən , metronun ''İnşaatçılar'' stansiyasının çıxışının ətrafındandır. Beləki yaxın günlərdə yolun üzü ''20 yanvar'' dairəsi istiqamətinə olan hissəsində, əvvəlcədən olan dayacaqdan 30 metr kənarda, yeni bir dayancaq qoyulub. Bu hal isə sərnişinlər arasında çaşğınlığa səbəb olur.

Bu hal avtobus sürücülərinin də çaşqınlığına səbəb olur. Onlar harda dayancaqlarını bilmirlər.

Məsələ ilə bağlı Bakı Nəqliyyat Agentliyinin sözçüsü Mais Ağayev 'bildirib ki, ərazidən keçən marşurut xətləri çox olduğundan avtobusların yola çıxmadan dayanması üçün iki pavilyon qoyulub.Əslində hər iki pavilyonun arasındakı məsafə də dayancaq ərazisidir. Yəni ərazidə bir dayancaq və iki pavilyon var. Sürücülər də boş olan pavilyondan birinin qarşısında avtobusu saxlayıb sərnişinləri düşürə və mindirə bilərlər.

Ölkə.Az

ŞƏRH YAZ
0
BAĞLA