"Elit star" Cəmilənin deputatlıq SEVDASI

Başqa bir versiya da var. O kreslo var ha, alayı şeydi, şirindi. Çox güman ki, elə sonuncu təklif daha inandırıcıdır.

Samiraldo, Nazilə Səfərli də deputat olmaq arzularını dilə gətirmişdi. Yenə bunlar cəsarətlidirlər, arzularını deyirlər, gör indi ürəyində bu sevdaynan yaşayanlar nə əzab çəkirlər. Adamın lap yazığı gəlir.

Deməli, mən deyim siz də bilin. Bu uzun deputat olma siyahısına bir ad da əlavə olunur bu gündən. Bu da Elit star Cəmilədir. Düzü bilmədim, qarşısında nə yazım, müğənni Cəmilə, aparıcı Cəmilə, prodüser Cəmilə (Bir müsahibəsində qeyd etmişdi ki, Niyam Salamini Azərbaycan səhnəsinə o, bəxş edib.) bilmədim, artıq qərarı özünüz verərsiniz. 

Cəmilə xanım deyir ki, mənə səs verin, mən deputat olum. Amma xanım o biri deputatlar kimi yol çəkməyə, iş yerləri açmağa söz verməyib. Elit star söz verir ki, əgər ona etimad göstərib səs versəniz, ay müğənnilər və müğənni olmaq istəyənlər, daha əziyyət çəkib sponsor axtarmayacaqsınız. Bu işə görə dəridən-qabıqdan çıxmağa ehtiyac qalmayacaq. Cəmilə xanım sizə kömək edəcək, istedadınızı ortaya çıxaracaq.

Ne deyək Allah axırın xeyir eləsin. Təki yaxşı işlər görmək istəyənlər qazansın.

Qeyd edək ki, bu barədə müğənni Lent.az saytının instaqram səhifəsində məlumat verib.

Vüsalə Balayeva
Ölkə.Az