Əməkdar artist "Azdrama"dan çıxarıldı — QALMAQAL

Əməkdar artist
11:32
05.03.2018
8745
Mədəniyyət
A
Akademik Milli Dram Teatrının tanınmış aktyoru, əməkdar artist İlham Hüseynov teatrdan çıxarılıb.

"Ölkə.Az"-ın məlumatına görə, direktor Azərpaşa Nemətovla aktyor arasında yaranmış gərginlik sözügedən qərarın verilməsinə səbəb olub. 

Teatrdan isə saytımıza bildirilib ki, buna səbəb İlham Hüseynovun iş davamiyyətini ardıcıl pozmağıdır:

“İlham Hüseynovun səhhətində problem yarandığına görə bülleten götürmüşdü. Bülletenin vaxtı başa çatsa da, o, teatrda ardıcıl olaraq iş davamiyyətini pozub. Bundan başqa İlham Hüseynov teatrın yaradıcı və ictimai həyatında, kollektiv tədbirlərdə iştirak etmir. Bütün bu səbəblərə görə əməkdar artist İlham Hüseynovla bağlanmış əmək müqaviləsinə xitam verilib”.

İ.Hüseynov isə çəkilişdə olduğu üçün bu barədə danışa bilməyəcəyini söyləyib.

İntiqam VALEHOĞLU
Ölkə.Az

ŞƏRH YAZ
0

Azərbaycanlı pianoçudan ilk — Amstredam Filarmoniyasında çıxış edib

Azərbaycanlı pianoçudan ilk
23:55
24.04.2018
93
Mədəniyyət
A
Prezident mükafatçısı, beynəlxalq müsabiqələr laureatı azərbaycanlı pianoçu Toğrul Hüseynli 28-ci Beynəlxalq "The İnternational Holland Musik Sessions" Festivalı çərçivəsində konsert proqramları ilə çıxış edir.

"Ölkə.Az"ın məlumatına görə, T. Hüseynli APA-ya açıqlamasında bildirib ki, aprelin 15-dən başlayan və aprelin 25-dək davam edəcək məşhur "The İnternational Holland Musik Sessions" Festivalı müxtəlif ölkələrdə keçirilir.

Bu festivalda fortepiano, skripka və violonçel ifaçıları iştirak edirlər. T. Hüseynli artıq festival çərçivəsində Hollandiyanın Teksel, Eqmond və Amstredam şəhərlərində, o cümlədən bu gün Bratislavada Slovakiya Dövlət Filarmoniyasında konsert proqramları ilə çıxış edib. Pianoçumuz Robert Şuman, İohann Sebastyan Bax və digər məşhur müəlliflərin əsərlərini ifa edib və bu, musiqisevərlər tərəfindən yüksək qiymətləndirilib. T. Hüseynli dünyada məşhur musiqiçilərin çıxış etdiyi Amstredam Filarmoniyasının səhnəsində çıxış edən ilk azərbaycanlı olub.

Ölkə.Az

ŞƏRH YAZ
0

Ramiz Novruz: "Azərbaycanda "Azdrama"dan o yana teatr yoxdur"

Ramiz Novruz:
12:32
23.04.2018
324
Mədəniyyət
A
Xalq artisti Ramiz Novruz teatrdaxili qalmaqallardan uzaq olduğunu bildirib.

 "Ölkə.Az"ın məlumatına görə, Nərgiz Cəlilovanın aparıcısı olduğu "Sevilənlər" verilişində qonaq olan aktyor bildirib ki, enerjisini daha çox yaradıcılığa sərf etmək istəyir:

"Hər zaman "Azdrama"nın aktyoru olmağı arzulamışam. Çünki Azərbaycanda bundan o yana tetr yoxdur. Heç vaxt aktyorların hansısa rəhbərlə bağlı narazılıqlarına, harasa məktub yazmaqlarına qoşulmamışam. Sadəcə, başımı aşağı salıb işimi görmüşəm. Uşaqlara deyirəm ki, məsələn, sizin rəhbərdən narazı olduğunuz iki ildə mən "Nadir şah"ı oynamışam. Bəs siz gələcəkdə bu iki ildə nə oynadığınızı deyəcəksiniz".

Sənətkar bəzən yararsız pyeslərdə də rol aldığını etiraf edib:

"Teatrın istehsalat yönümü də var. Ancaq bəzən kamil dramaturgiyası olmayan tamaşalarda oynayıram, işimi görürəm. Gəlib tamaşaçıya baş əyəndə ürəyimdə deyirəm ki, bağışlayın, belə bir zay şeyi sizin üçün oynadıq. İndi yaşımın elə dövrüdür ki, rejissorlar məni elə rollara dəvət etmirlər. Elə olanda pyesi, tamaşanı yox, aktyor heç olmasa öz obrazını xilas etməlidir".

İntiqam VALEHOĞLU 
Ölkə.Az

ŞƏRH YAZ
0
BAĞLA