Ərdoğandan sərt açıqlama
"Ölkə.Az" xəbər verir ki, açılışda çıxış edən Türkiyə prezidenti İsraili terror dövləti adlandırıb.
Ərdoğan deyib: "İsrail işğalçı dövlətdir, İsrail bir terror dövlətidir. Qüds qərarı tarix qarşısında hökmsüzdür".
Açılış çıxışında Qüdslə bağlı qərarı pisləyən Ərdoğan qərarın tarix, hüquq və vicdan qarşısında hökmsüz olduğunu qeyd edib: "Bu gün burada İslamın ilk qibləsi və "Əl Əqsa"məscidinin yerləşdiyi Qüds şəhərinin tarixi statusuna qarşı həyata keçirilən təcavüzü müzakirə etmək üçün toplaşmışıq. Dəvətimi qəbul edərək müsəlmanlarla birlikdə bütün bəşəriyyət üçün tarixi önəmi olan iclasda iştirak edən hər kəsə təşəkkür edirəm. ABŞ prezidenti beynəlxalq hüquqa saymazlıq edərək Qüdsü İsrailin paytaxtı olaraq tanıdığını bildirib. Qüdsün küçələrində bir neçə dəqiqə gəzən şəxs buranın işğal olunduğunu anlayar. Amerika bu qərarı ilə Qüdsü işğal edən İsraili dəstəkləyib. Bu qeyri-qanuni qərarı qəbul etməyən bütün ölkələrə təşəkkür edirəm".
Hikmət Həsənov
Ölkə.Az
