Venesuela Braziliya ilə sərhədi bağlayır

Venesuela Braziliya ilə sərhədi bağlayır
00:14
22.02.2019
2177
Dünya
A
Venesuela Prezidenti Nikolas Maduro Braziliya ilə quru sərhədi bağladıqlarını bildirib.

“Ölkə.Az” xəbər verir ki, bu barədə RİA “Novosti” məlumat yayıb.

Bundan başqa Maduro Kolumbiya ilə sərhədin bağlana biləcəyini də istisna etməyib.

Qeyd edək ki, daha əvvəl özünü prezident elan etmiş Milli Assambleyanın sədri, müxalifət lideri Xuan Quaydo Puerto-Rikodan Venesuela sahillərinə humanitar yardımın gəldiyini bildirib.

Ölkə.Az

ŞƏRH YAZ
0

Gürcüstanın müdafiə naziri azərbaycanlı əsgərləri Novruz bayramı münasibətilə təbrik edib — FOTO

Gürcüstanın müdafiə naziri azərbaycanlı əsgərləri Novruz bayramı münasibətilə təbrik edib
13:46
Bu gün
1005
Dünya
A
Gürcüstanın müdafiə naziri Levan İzoria azərbaycanlı hərbçiləri Novruz bayramı münasibətilə təbrik edib.

"Ölkə.Az" report-a istinadən bildirir ki, bu barədə Gürcüstanın Müdafiə Nazirliyi məlumat verib.

L.İzoria Müdafiə Qüvvələrinin Baş Qərargah rəhbəri, general-mayor Vladimir Çaçibaya ilə Marneulidə yerləşən aviasiya bazasına baş çəkib. Nazir azərbaycanlı əsgərləri Novruz bayramı münasibətilə şəxsən təbrik edərək onları şirniyyatlara qonaq edib.

Müdafiə naziri azərbaycanlı hərbçilərin valideynlərinə layiqli vətənpərvərlər kimi tərbiyələndirdiklərinə görə minnətdarlığını bildirib. O qeyd edib ki, Müdafiə Nazirliyi həqiqi hərbi xidməti başa vuran azərbaycanlı əsgərlərin istəyi olacağı təqdirdə, gələcək karyeraları üçün imkanların yaradılmasına hazırdır: “Biz etnik azlıqlardan olan əsgərlərin müdafiə qüvvələrində maksimal inkişafı, inteqrasiyası, gürcü dilini daha yaxşı bilmələri və professional inkişafları üçün hər bir şərait yaradırıq”.

L.İzorianın qərarı ilə Novruz bayramı ilə əlaqədar 21 və 22 mart müsəlman hərbçilər üçün istirahət günü elan olunub.

Ölkə.Az

ŞƏRH YAZ
0

Evin zirzəmisindən 45 zəhərli ilan çıxdı — VİDEO

Evin zirzəmisindən 45 zəhərli ilan çıxdı
12:52
Bu gün
2709
Dünya
A
ABŞ-ın Texas ştatında bir şəxsin evinin zirzəmisindən nə az, nə çox düz 45 zəhərli ilan aşkar edilərək götürülüb.

“Ölkə.Az” xəbər verir ki, ev sahibi evinin zirzəmisində zəhərli ilanların məskən saldığından xəbərsiz olub. O, televiziya kabelini çəkmək istəyərkən zəhərli ilanların burada məskunlaşdığının şahidi olub.

Belə ki, ev sahibi kabel quraşdırarkən ilk olaraq bir neçə iri ilan görüb. Bununla bağlı ilan toplayan şirkətə müraciət edib. Şirkət evin zirzəmisindəki ilanları yığmaq üçün bir neçə saat vaxt sərf edib. Onlar evin zirzəmisindən 45 ilan götürüblər. Ən böyük ilanın uzunluğu 167 sm olub.

Ölkə.Az

ŞƏRH YAZ
0
BAĞLA