\"Ermənilər bilirlər ki, arxivlər açılarsa, həqiqət ortaya çıxacaq\"

“Ölkə.Az” xəbər verir ki, bunu azərbaycanlı diplomat “Anadolu”ya açıqlamasında deyib.

Azərbaycan-Türkiyə əlaqələrinə toxunan diplomatın  sözlərinə görə, dünyada elə bir iki ölkə tapmaq mümkün deyil ki, əlaəqləri bu səviyyədə olsun. “Türkiyə-Azərbaycan əlaqələri ən yüksək səviyyədədir. Dünyada belə səviyyədə əlaqəsi olan ikinci bir dövlət yoxdur. Həm siyasi, həm iqtisadi, həm mədəniyyət və digər bütün sahələrdə  əməkdaşlıq yüksək səviyyədədir. Azərbaycanın yürütdüyü siyasət Türkiyənin, Türkiyənin yürütdüyü Azərbaycanın  siyasətdir. Bütün beynəlxalq təşkilatlarda  və qurumlarda mövqelərimiz üst-üstə düşür. Ona görə də hər zaman bir birimizi dəstəkləyirik”.

Diplomat onu da əlavə edib ki, bəzi ölkələrin bu birliyi pozmasına imkan verə bilmərik: “Biz onların istəklərinə görə deyil,  sadəcə qardaşlığımız üzərində əlaq'lərimizi qurmalıyıq”.

X.İbrahimin fikrincə, bəzi ölkələri narahat edən əsas məsələ ondan ibarətdir ki, Türkiyə və Azərbaycan bir olduğu zaman  bölgədə söz sahibi olur: “Bu gün  xüsusilə də Türkiyənin bölgədə söz sahibi olmasını istəməyən  çoxlu qüvvələr var. Çünki Azərbaycan Türkiyənin qardaşı olduğu kimi, Orta Asiyaya da açılan qapısıdır. Azərbaycan eyni zamanda  təbii ehtiyatlar baxımından qüdrətli ölkədir. Türkiyə üçün də Azərbaycan kimi  qardaş ölkənin yanında olması  güclü  və etibarlı  bir dayaqdır. Əgər daha açıq danışmaq lazım gəlirsə, deməliyəm ki, Türkiyənin yanında elə də çox etibarlı ölkə yoxdur. O baxımdan bu həm Türkiyə, həm də Azərbaycan üçün əlavə güc deməkdir”.

 Erməni lobbisinin fəaliyyətinə gəldikdə isə diplomat deyib ki, bu lobbi ancaq Türkiyə və Azərbaycana qarşı fəaliyyət göstərir: “Erməni lobbisinin fəaliyyəti nəticəsində Azərbaycan torpaqları işğal edildiyi ilk illərdə  ABŞ Azərbaycana qarşı sanksiyalar tətbiq etdi. Ermənilər bu fürsətdən istifadə etdi”.

Uydurma erməni soyqırımı ilə bağlı məsələyə toxunan X. İbrahim deyib ki, ermənilər arxivlərin açılmasını istəmirlər. “Bilirlər ki, arxivlər açılarsa, həqiqət ortaya çıxacaq.  Onlar beynəlxalq hüququn həqiqət olduğunu anladıqlarından bunu istəmirlər. Onların istəyi bundan ibarətdir ki, beynəlxalq aləm nə Azərbaycanı, nə də Türkiyəni eşitməsin. Nə zaman Türkiyə ilə Qərb və ya Azərbaycanla Qərb arasında bir sıxıntı yaşanırsa, ermənilər Konqresdə uydurma erməni soyqırımının tanıdılmasına çalışırlar. Bu, ədalətli və əsaslandırılmış bir siyasət deyil, sadəcə, fürsətcillikdir”- azərbaycanlı diplomat bildirib.

Mürtəza
Ölkə.Az