Əziz Əzizov iki nəfəri bıçaqladı

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Telman Hüseynovun icraatına verilib.

Məhkəmə hazırlıq iclası avqust ayının 30-na təyin olunub.

Qeyd edək ki, hadisə iyunun 3-də saat 01:20-də Sabunçu qəsəbəsi, Gənclik küçəsində yerləşən kafedə qeydə alınıb.

Yerli sakinlər – 27 yaşlı Asif Ramiz oğlu Göyüşov və 27 yaşlı Müşfiq Etibar oğlu Allahverdiyev bıçaq zərbələrinə məruz qalıblar. Hər iki zərərçəkən 3 saylı Şəhər kliniki xəstəxanasına müraciət edib. A.Göyüşov qarın nahiyəsindən, digəri isə yüngül xəsarət alıb.

13-cü Polis Bölməsi əməkdaşlarının operativ-axtarış tədbirləri nəticəsində şübhəli şəxs saxlanılıb. O, vaxtilə məhkumluq həyatı yaşamış 56 yaşlı Əziz Teymurşah oğlu Əzizovdur.

Məlum olub ki, cinayət vaxtı hər üç şəxs sərxoş olub. Münaqişə yersiz mübahisə səbəbindən baş verib.

Əziz Əzizov barəsində cinayət məcəlləsinin 126.2.4-cü maddəsi ilə ittiham elan edilib.

Natiq Allahverdiyev
Ölkə.Az