“FaceApp” 10 gündə 1 milyon dollar qazandı
Fotolarda insanların üzlərini qocaltmaq və ya cavanlaşdırmaq üçün nəzərdə tutulmuş “FaceApp” tətbiqi 9 iyuldan 19 iyul tarixinə kimi öz tərtibatçılarına 1 milyon dollar gəlir gətirib.
“Ölkə.Az” Technote-yə istinadən xəbər verir ki, 10 gün ərzində sözügedən tətbiq 6.5 milyon dəfə yüklənib.
Bu gəlirin böyük bir hissəsi (746 min dollar) “iOS” əməliyyat sistemi tərəfindən cəlb olunub. Belə ki, “FaceApp” tətbiqi bütün dünya üzrə “App Store” online mağazasının aktiv olduğu 155 ölkədən 154-də birinci yerdə qərarlaşıb. Təkcə Çində bu tətbiq 5-ci yeri tutub.
Qeyd edək ki, 2017-ci ildən bu vaxtda kimi “FaceApp” 73.2 milyon dəfə yüklənib. Tərtibatçıların ümumi gəliri isə 11.6 milyon dollar dəyərində qiymətləndirilir.
Ölkə.Az
