Fədayənin bacısından canlı yayımda Tacirə sərt sözlər — VİDEO

Fədayənin bacısından canlı yayımda Tacirə sərt sözlər
20:12
07.11.2017
6795
Maqazin
A
Müğənni Tacir Şahmalıoğlunun həbs olunan həmkarı Fədayə Laçın barədə dediyi sözlərə bacısı İlahə Fədadan cavab gəlib.

Ölkə.Az-ın məlumatına görə, İlahə Fəda “Show time” verilişinə zəng edərək T.Şahmalıoğlunu tənqid edib:

“İlk öncə deyim ki, Tacir Şahmalıoğlu gözəl musiqiçidir. Bunu bir kənara qoyduq. Mənə təsir edən odur ki, Tacir deyib ki, mən Fədayənin müəllimiyəm. Özünü bir müəllim kimi təqdim edir. Mən də ona cavab olaraq deyirəm ki, Tacir heç vaxt Fədayənin müəllimi ola bilməz. Fədayənin müəllimi ilk öncə xalqdır. Bundan başqa, bacım da, mən də xalq artisti Zeynəb Xanlarovaya qulaq asmışıq. İncəsənətdə oxuyanda onun müəllimi Arif Babayev, Canəli Əkbərov olub. Əbülfət Əliyev, Şövkət Ələkbərova, Qulu Əsgərov, Rübabə Muradovanın da adını çəkə bilərəm. Yəni bu şəxslər Fədayənin müəllimi olublar. Tacir müəllim ola bilməz. Onun musiqi fəaliyyətinə nəzər salasaq, görərik ki, Murad müəllimin sayəsində “Qarabağ bülbülləri”ndə bir parça “Bayatı şiraz” oxuyub, bununla da qızıl fonda düşüb. Onun elə uğuru bircə bu olub. Ondan sonra nə oxuyub ki?! Hansı mahnısı yadınızda qalıb? Tacir Fədayə ilə duet oxuyandan sonra tanınıb. Mən də deyirəm ki, sən elə yaxşı müəllimlik eləmisən ki, Fədayə indi həbsdədir”.

Qeyd edək ki, T.Şahmalıoğlu “Fədayə Laçına zamin durardınızmı?” sualına bu cür cavab vermişdi: 

“Bir eloğlu, müəllim, həmkar kimi nə kömək lazım olsa edərəm. Biz bir yerdə çörək kəsmişik. Fədayə mənim tərəf-müqabilim olub, yaxşı insandır, xətrini çox istəyirəm. Köməkliyimi bu cür edərəm. Amma zamin durmaq mənim xoşuma gələn iş deyil”.

 

ŞƏRH YAZ
1

Ruslan Əhmədoğluna ağır itki

Ruslan Əhmədoğluna ağır itki
14:57
17.02.2018
2896
Maqazin
A
Bəstəkar-hüquqşünas Ruslan Əhmədoğluna ağır itki üz verib.

 "Ölkə.Az"-ın məlumatına görə, bəstəkarın bibisi Nailə Həsənova bu gün səhər saatlarında vəfat edib.

R.Əhmədoğlunun saytımıza bildirdiyinə görə, uzun sürən xəstəlikdən sonra vəfat edən 55 yaşlı bibisinin üç mərasimi fevralın 19-da Heydər məscidində olacaq.

Allah rəhmət eləsin!

Ölkə.Az

ŞƏRH YAZ
0

Hollivud ulduzu Cennifer Eniston boşanır

Hollivud ulduzu Cennifer Eniston boşanır
15:18
16.02.2018
8863
Maqazin
A
Hollivudun 49 yaşlı ulduzu Cennifer Eniston boşanır.

"Ölkə.Az" xəbər verir ki, Eniston əri Castin Terudan boşanmaq qərarına gəlib.

Eniston 2012-ci ilin avqust ayından bu yana nişanlı olduğu 46 yaşlı aktyor Castin ilə evlənmişdi. 2.5 il evli qalan cütlük boşanmaq qərarına gəldiklərini açıqlayıblar.

Açıqlamada bildirilir ki, cütlük 2017-ci ilin sonunda boşanmaq qərarına gəlib. Qərar Eniston və Terunun ortaq qərarıdır. Bununla belə, cütlük dost qalacaq.

Qeyd edək ki, bir neçə gün əvvəl Cennifer 49 yaşını qeyd edib. O, ad gününü tək qeyd etmişdi. Jastin isə bu vaxt Kaliforniyada olub.

Hikmət Həsənov
Ölkə.Az

 

ŞƏRH YAZ
0
BAĞLA