“Fikir bildirməmişdən öncə deyəcəyimiz sözü yüz ölçüb bir biçməliyik

“Ölkə.Az” xəbər verir ki, bunu Milli Məclisin sədr müavini Fəzail İbrahimli  parlamentin bu gün keçirilən iclasında deyib.

Onun sözlərinə görə, kifayət qədər düşmənlərimiz olduğundan səsləndirdiyimiz fikirlədə məsuliyyətli olmalıyıq:

“Avropa heyranlarımız var. Belə bir məqamda bizim özümüzdən başqa bir-birimizə söykənib, əl-ələ verib bu çətin məqamlarda ən çətin vəziyyətdən çıxamaq yolu birliyimizdədir. Burada yeni seçilən deputatlar var. Təbii ki, düşüncələrində və fikirlərində səhvlərə yol verə bilər. Bizim kifayət qədər təcrübəli deputatlarımız da var. Müəyyən məsələlər var ki, o məsələlərdə çox diqqətli olmalıyıq. Burada deyilən hər bir söz dünya ictimaiyyətinə çatır və qarşı tərəfə bir mesajdır. Ona görə də hər bir sözümüzü ölçüb-biçməliyik. Millətimiz, dövlətimiz, sərhədimiz və hərbimiz haqqında danışanda yüz ölçüb bir biçmək lazımdır”.

F.İbrahimli əlavə edib ki, bu gün dünyada ideoloji müharibə getdiyindən bu məsələlərdə diqqətli olmalıyıq:

“Bu gün hər hansı tarixçi, mütəxəssis tərəfindən deyil, məhz Prezident tərəfindən dünyaya bəyan olunur ki, Ermənistan dövləti Azərbaycan torpaqları hesabına yaradılıb. Prezident tərəfindən belə bir bəyanatın səslənməsi dünyada tamailə fərliq bir münasibət formalaşır. Azərbaycan Prezidentinin Avropa dilində məsələni izah etməsi tamamilə başqa rezonansa səbə olur. Cənab Prezident bu məsləni daima gündəmdə saxlayır və lazım gəldikcə beynəlxalq tribunalardan səsləndirir. Ölkə başçısı özü bu ideoloji mübarizədə birbaşa iştirak edir”.

Mürtəza

Ölkə.Az