Gülnarə Kərimova 1.2 milyard dolları Özbəkistana qaytarır

Gülnarə Kərimova 1.2 milyard dolları Özbəkistana qaytarır
10:53
25.06.2019
6705
Dünya
A
Özbəkistanın keçmiş prezidenti İslam Kərimovun böyük qızı Gülnarə Kərimova 1.2 milyard dolları dövlətə qaytardığını, ölkədən xaricdəki pullarını da büdcəyə qaytarmaq istədiyini bildirib.

 “Ölkə.Az” xəbər verir ki, Özbəkistanın paytaxtı Daşkənd yaxınlığındakı bir həbsxanada cəzasını çəkən Kərimova qızı İmanın sosial şəbəkədəki səhifəsi vasitəsilə yazılı açıqlama verib.

Son dövrlərdə çox dəyişdiyini, özünü təmizə çıxarmaq üçün cəhd etmədiyini qeyd edən Kərimova “Xalqımdan, məni başa düşən və hörmət edən bütün insanlardan üzr istəyirəm” yazıb. Kərimova bildirib ki, büdcəyə qaytardığı pulların Özbəkistanın inkişafına təsir edəcəyinə inanır.

“Ölkədəki 1.2 milyard dollarlıq sərmayə çoxdan mənim nəzarətimdən çıxaraq dövlət büdcəsi üçün işləyir. İsveçrədə dondurulan hesabımdakı pul isə sadəcə mənim həll edə biləcəyim bir iş deyil. Bu pulu digər ölkələr də tələb edir. Mən vəkilimlə 131 milyon dolların geri gətirilməsi üçün əlimizdən gələni edirik. 555 milyon dollarlıq məbləğ üçün də işə başlamışıq. Sağlamlığımla bağlı problemlərim var. Əməliyyat lazımdır və bunun üçün prezident Şevket Mirziyoyevə müraciət etmişəm”, - deyə Kərimova əlavə edib.

Gülnarə 2017-ci ildə Özbəkistan məhkəməsi tərəfindən korrupsiya, rüşvət, fırıldaqçılıq, ticarət və gömrük qanunlarını pozma və digər maddələrlə ittiham edilərək 10 il müddətinə həbs cəzası alıb. Sonra dövlətə vurduğu ziyanı ödəməklə cəzası 5 ilə endirilib və həbs cəzası verilib. Amma mart ayında məhkum edildiyi ev həbsi şərtlərini pozduğu üçün həbsxanaya göndərilib. 

Hikmət Həsənov 
Ölkə.Az

ŞƏRH YAZ
0

Fransada keçirilən etiraz aksiyalarında 450 mindən çox insan iştirak edir

Fransada keçirilən etiraz aksiyalarında 450 mindən çox insan iştirak edir
03:05
Bu gün
314
Dünya
A
Fransada keçirilən kütləvi etiraz aksiyalarında 450 min nəfərdən çox insan iştirak edir.

"Ölkə.Az" bildirir ki, onların 250 min nəfəri paytaxt Parisdə keçirilən yürüşə toplaşıb. 

Etiraz aksiyaları təqaüd sistemində həyata keçiriləcək islahatlara qarşı təşkil edilib. Aksiyalar zamanı bir sıra şəhərlərdə etirazçılarla polislər arasında toqquşmalar baş verib.

Ölkədə nəqliyyat vasitələrinin fəaliyyəti 10 faiz nisbətində olub, məktəblərdə dərslərin yalnız 40 faizi keçirilib. İşə çıxmayanlar arasında təhsil, tibb, nəqliyyat işçiləri və digər peşə sahibləri, istər ictimai, istərsə də özəl sektorda çalışanlar var. Gün ərzində paytaxtın əksər musey və tarixi abidələri, habelə Eyfel qülləsi, Orsey muzeyi, Zəfər Tağı bağlı olub.

Etiraz aksiyaları dekabrın 9-dək davam edəcək.

ŞƏRH YAZ
0

Borcu geri almaq istəyən şəxs yeddi avtomobilin şüşəsini qırdı — VİDEO

Borcu geri almaq istəyən şəxs yeddi avtomobilin şüşəsini qırdı
01:29
Bu gün
337
Dünya
A
Rusiyanın Orenburq şəhərində bir şəxs dayanacaqda olan yeddi avtomobilə ziyan vurub. O, bu yolla ondan aldığı borcu qaytarmayan tanışını qorxutmaq istəyib. Hansı avtomobilin ona borclu olana aid olduğunu bilməyən şəxs binanın həyətindəki yeddi avtomobilin pəncərələrini daşlarla qırıb, rəngli boya ilə rəngləyib.

"Ölkə.Az" bildirir ki, bu “vandallıq” ona baha başa gəlib.

Həbs olunan dələduz indi yeddi avtomobilə vurduğu zərəri ödəməlidir.

Maraqlıdır ki, bu avtomobillərin heç biri ona borclu olan şəxsə məxsus olmayıb.

ŞƏRH YAZ
0
BAĞLA