Hansısa ukraynalı deputatların bizim əleyhimizə səs verməsi, iki ölkə arasında münasibətlərə xələl gətirməz — Politoloq rəyi

Hansısa ukraynalı deputatların bizim əleyhimizə səs verməsi, iki ölkə arasında münasibətlərə xələl gətirməz
22:37
23.10.2017
941
Analitika
A
AŞPA-nın son sessiyasında ukraynalı deputatların bir hissəsi Azərbaycana qarşı qətnamələrin lehinə səs verib, bəziləri isə bitərəf qalıb. Bu məsələdən sonra Ukrayna baş nazirinin birinci müavini, iqtisadi inkişaf və ticarət naziri Stepan Kubiv açıqlama verib. O, açıqlamasında bildirib ki, Kiyev-Bakı münasibətlərindəki pozitivlik heç də hamının xoşuna gəlmir. Onun fikrincə, istər Ukraynanın xaricində, istər də daxilindəki bəzi qüvvələr Azərbaycana münasibətdə ardıcıl siyasət yürüdən prezident Pyotr Poroşenkonun imicinə ziyan vurmaq istəyirlər. S.Kubivin sözlərinə görə, Ukrayna Ali Radasının nümayəndə heyətinin bəzi üzvlərinin AŞPA-da Azərbaycana dair səsvermə zamanı tutduğu mövqe buna sübutdur.

Azərbaycanlı siyasətçilər isə məsələyə birmənalı yanaşmırlar. Millət vəkili, politoloq Araz Əlizadə “Ölkə.Az”a açıqlamasında bildirib ki, ukraynalı deputatların hamısı Azərbaycanın əleyhinə səs verib. Onun sözlərinə görə, bu məsələdə ukraynalı deputatlar dini amila daha çox üstünlük veriblər.

“Bəziləri iclasda iştirak etməyiblər. Bəhanə ediblər ki, Petro Poroşenkonu qarşılamağa gediblər. Əgər Ukraynaya həmişə yardım edən bir ölkənin haqqında qətnamə qəbul olunursa, bu zaman Poroşenko inciməzdi ki, onu tam heyətlə qarşılamağa getməyiblər. Bu yerdə “canavarı nə qədər yedirtsən də, yenə gözü meşədə qalacaq”, misalı yada düşür. Yəni unutmaq olmaz ki, Azərbaycanın dostu elə Azərbaycandır. “Hansısa dövlətə əl tuturuq, lazım olanda onlar bizə kömək edəcəklər” kimi fikirləşmək böyük səhvdir. Xristian təsübkeşliyi heç vaxt itməyəcək”, - deyə A.Əlizadə bildirib.

Politoloq Fikrət Sadıqov isə “Ölkə.Az”a açıqlamasında bildirib ki, bir sıra deputatların Avropaya inteqrasiya olunması, Avropa İttifaqına iddiaları Azərbaycan-Ukrayna münasibətlərindən daha üstündür. Onun fikrincə, həmin deputatların bizim əleyhimizə səs verməsi iki ölkə arasındakı münasibətlərə xələl gətirməməlidir.

“Onlar bu prinsipi bir xətt kimi öz siyasətlərində həyata keçirirlər. Həmin deputatlar arasında Poroşenkoya qarşı çıxış edənləri də var. Onlar Poroşenkonun siyasətinə dəstək vermirlər. Nəzərə alaq ki, həmin qətnaməyə Ukraynanın bütün deputatları səs verməyib. Bəziləri səsvermədən kənar qalıblar. Bunun özü də mənfi haldır. Lakin rəsmi Ukrayna Azərbaycanla münasibətləri yüksək qiymətləndirir. Bakı ilə Kiyevin münasibətləri kifayət qədər yüksəkdir. Düşünmürəm ki, hansısa ukraynalı deputatların bizim əleyhimizə səs verməsi, iki ölkə arasında münasibətlər xələl gətirsin”, - deyə F.Sadıqov bildirib.

Ziya Səccad
Ölkə.Az

ŞƏRH YAZ
0

Azərbaycanda 1000 kişiyə 1005 qadın düşür

Azərbaycanda 1000 kişiyə 1005 qadın düşür
18:47
11.10.2018
1599
Analitika
A
İlin əvvəlindən ölkə əhalisinin sayı 52427 nəfər və ya 0,5 faiz artaraq 2018-ci il sentyabr ayının 1-i vəziyyətinə 9 950 512 nəfərə çatıb.

Dövlət Statistika Komitəsindən "Ölkə.Az"a verilən xəbərə görə, əhalinin bir kvadrat kilometrə düşən sayı 115 nəfər olub.

Əhalinin 52,9 faizini şəhər, 47,1 faizini kənd sakinləri, 49,9 faizini kişilər, 50,1 faizini isə qadınlar təşkil edir. Hazırda hər 1000 kişiyə 1005 qadın düşür.

ŞƏRH YAZ
0

Dollar almaq istəyənlərin NƏZƏRİNƏ

Dollar almaq istəyənlərin NƏZƏRİNƏ
17:37
03.10.2018
628
Analitika
A
Azərbaycan Mərkəzi Bankı (AMB) oktyabrın 4-nə olan USD/AZN rəsmi məzənnəsini açıqlayıb.

Bankdan "Ölkə.Az"a  bildiriblər ki, Azərbaycan Mərkəzi Bankının oktyabrın 4-dən etibarən USD/AZN rəsmi məzənnəsi 1,7000 manat səviyyəsində müəyyən olunub.

Qeyd edək ki, 2018-ci il oktyabrın 3-də də USD/AZN rəsmi məzənnəsi 1,7000 manat təşkil edib.

ŞƏRH YAZ
0
BAĞLA