Həsən Ruhani: “İran və Rusiya bir cəbhədə mübarizə aparacaq”

“Ölkə.Az” xəbər verir ki, İran prezidenti Rusiyanın baş naziri Dmitri Medvedevlə görüşüb. Görüş zamanı Həsən Ruhani bildirib ki, İranla Rusiya arasında dostluq münasibətlərinin inkişafı həm regin, həm də dünya ölkələri üçün xeyirlidir.

“Çox sevindirici haldır ki, ölkələrimiz arasındakı münasibətlər yaxşıya doğru inkişaf edir. Düşünürəm ki, bu münasibətlər çərçivəsindəki səfərim də uğurla başa çatacaq”, - deyə Ruhani bildirib.

İran rəhbəri bildirib ki, Rusiya ilə bir neçə istiqamətdə əməkdaşlığa hazırdılar:

“İran və Rusiya beynəlxalq terrorçuluqla mübarizədə bir cəbhədə mübarizə aparır və bundan sonra da eyni istiqamətdə çalışacağımıza ümid edirik. Rusiya ilə iqtisadi baxımdan da əməkdaşlığımız uğurla nəticələnə bilər. İnanıram ki, Rusiya rəhbərliyi də mənimlə eyni fikirdədir”.

Ziya Səccad
Ölkə.Az