Hindistanda kanat yolu faciəsi
Hindistanda 7 nəfərin ölümü ilə nəticələnən faciə baş verib.
"Ölkə.Az" xəbər verir ki, Hindistanın şimalındakı Cemmu və Kəşmir əyalətlərində fırtına olub. Fırtına isə bir ağacın kökündən qoparaq kanat yolunun tellərinin üstünə düşməsi ilə nəticələnib. Yerə çırpılan kabindəki 7 nəfər isə həlak olub.
İnsident Asiyanın ən böyük xizəkçilik mərkəzlərindən sayılan "Gulmarg Gondola" bölgəsində baş verib. Qəza nəticəsində 4 nəfərlik ailə ilə yanaşı 3 nəfər turist rəhbəri də həlak olub.
Kanat yolunun digər kabinlərində qalan 100 nəfər isə polis tərəfindən xilas edilib.
Hikmət
Ölkə.Az
